У 2025 годзе Беларуская інтэрнэт бібліятэка Kamunikat.org, што адзначае 25-гадовы юбілей, анансуе некалькі навінак, што пабачаць свет у найбліжэйшы час: Някляеў, Федарэнка, Карповіч і Кавалёў, піша bellit.info.
Падрыхтавана другое выданне рамана Уладзіміра Някляева «Гэй Бэн Гінон», што апавядае пра Беларусь і беларусаў, пра Янку Купалу, ягоны лёс і таямніцу ягонай гібелі ў гатэлі «Масква».
Апрача гэтага, пайшоў у друк новы раман Андрэя Федарэнкі «Сцэнарыст», у якім аўтар працягвае тэму аналізу прыроды творчасці, пачатую ў папярэдняй ягонай кнізе «Жэтон на метро». Гэта сапраўдны дэтэктыў і адначасова драма з непрадказальным фіналам.
У пачатку лютага мае выйсці таксама кніга Лявона Карповіча «Апавяданні паштовых марак пра Вялікае Княства». Гэта будзе незвычайнае падарожжа ў гісторыю нашай краіны.
Таксама рыхтуецца да друку зборнік п’есаў знанага беларускага драматурга Сяргея Кавалёва «Камедыя Юдзіфі». У кнігу ўвойдуць новыя п’есы Сяргея Кавалёва, напісаныя ў розных жанрах: гістарычная драма, філасофская камедыя, містычны дэтэктыў, гарадское фэнтэзі, казка-прыпавесць.
Пасля выхаду кнігі можна будзе набыць праз інтэрнэт-краму Kamunikat.shop
-
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну
-
У Мінску адкрыўся філіял Нацыянальнага мастацкага музея
-
Раман аўтара бестселераў Джона Грына выйдзе па-беларуску ў дзень сусветнай прэм’еры
Цяпер чытаюць
28‑гадовую ўкраінку з Марыупаля асудзілі ў Мінску за палітыку. Чаму яна прыехала з Польшчы ў Беларусь, няясна3
Каментары