Грамадства44

Прапагандысты настойваюць, што Шэйман расказаў пра Лукашэнку чыстую праўду — проста ўсё пераблытаў

Лукашэнка насамрэч выступаў перад рабочымі. Праўда, не перад страйкамаўцамі і не ў 1995.

Віктар Шэйман. Фота: скрыншот АНТ

На дзяржаўным тэлебачанні паказалі маналог экс-сакратара Рады бяспекі Віктара Шэймана, які расказаў неверагодную гісторыю з 1990-х пра Аляксандра Лукашэнку. Шэйман сцвярджаў, што ў 1995 годзе па даручэнні кіраўніка дзяржавы сабраў у канцэртнай залі «Мінск» 800 чалавек, кіраўніцтва страйкавых камітэтаў з усёй рэспублікі. Тыя, маўляў, спачатку асвісталі Лукашэнку, а ў канцы сустрэчы прагаласавалі, і 80% прысутных рашуча падтрымалі яго.

Былы дэпутат Вярхоўнага савета Сяргей Навумчык заявіў у каментары «Нашай Ніве», што расповед Шэймана — поўная ахінея, бо Лукашэнка не сустракаўся са страйкамаўцамі.

Пасля гэтага прапагандысты выставілі свой доказ — відэа з выступу Аляксандра Лукашэнкі перад «прадстаўнікамі працоўных калектываў». Яны прызналі, што сустрэча адбылася ў 1996 годзе, а не ў 1995 годзе, аднак запэўнілі, што ўсё астатняе сказанае Шэйманам — праўда.

Што ж можна ўбачыць на апублікаваным відэа? Так, гэта рэальны выступ Аляксандра Лукашэнкі 26 лютага 1996 года.

Побач з ім у прэзідыуме сядзіць тагачасны старшыня афіцыйных прафсаюзаў Уладзімір Ганчарык і высокапастаўленыя чыноўнікі. У першых шэрагах шмат слухачоў у касцюмах і гальштуках.

А вось страйкамаўцаў не відаць. Сяргей Навумчык адзначае, што не бачыць на відэа знаёмыя твары лідараў незалежных прафсаюзаў: «Гэта адназначна не страйкам». Ён мяркуе, што на сустрэчы быў актыў афіцыйных прафсаюзаў.

Удзельнікі сустрэчы ў касцюмах апладзіруюць Лукашэнку ў канцы яго выступу.

Пачатку сустрэчы на відэа няма, таму ацаніць, ці хтосьці камусьці свісцеў, немагчыма.

У канцы выступлення Лукашэнка расказаў па пунктах пра свае бліжэйшыя планы, пасля чаго прэм'ер-міністр Міхаіл Чыгір заклікаў падзякаваць кіраўніку дзяржавы. Людзі паапладзіравалі і пацягнуліся на выхад. Гаворкі пра нейкую рэзалюцыю і галасаванне 80% прысутных за яе няма.

Пра падобную сустрэчу, якая адбылася ў Наваполацку 22 лютага 1996 года — за чатыры дні да мінскай, — падрабязна пісала газета «Свабода». Запрашэнні на яе былі размеркаваныя загадзя паміж надзейнымі і праверанымі асобамі.

Да забастоўшчыкаў Лукашэнка выйшаў толькі ў 2020-м годзе, калі прыехаў на МЗКЦ. Што ён пачуў? «Сыходзь», жорсткія маты і выкрык «Афіцэр? Застрэлься!»

Каментары4

  • Бывалы
    22.01.2025
    Дальше культ личности будет только расти, еще не такие сказки услышите про солнцеликого
  • выступ лютага
    23.01.2025
    "выступ Аляксандра Лукашэнкі 26 лютага 1996 года"
    а чаму перавыбары прызначылі не 26 лютага?
  • Шэйман брэша
    24.01.2025
    БТ транслюе.

Цяпер чытаюць

Жонка агента-каханка Анжалікі Мельнікавай звязаная з арганізацыяй Руская мадэль эфектыўнага спакушэння21

Жонка агента-каханка Анжалікі Мельнікавай звязаная з арганізацыяй Руская мадэль эфектыўнага спакушэння

Усе навіны →
Усе навіны

«Морды кіслыя. Што з тварам?» Прапагандыст Пуставы зноў раз'юшаны беларусамі25

У Чачэрску правялі паказальны суд над маладзёнамі, якія сарвалі чырвона-зялёны сцяг1

«Сыходзіць эпоха навуковага стэндапу». Бесараб пра зняцце з пасады былога кіраўніка Акадэміі навук10

«Раніцай купіў даляры, увечары ўжо не здаць». Ці зменяцца правілы ў абменніках і што банкі робяць з «дрэннай» валютай1

«Страляй у бура». Што паказаў Дональд Трамп прэзідэнту Паўднёвай Афрыкі10

Адна з арганізатарак жаночых маршаў Настасся Касцюгова пачала выкладаць у нідэрландскім універсітэце9

Кая Калас: Сербія павінна зрабіць геапалітычны выбар7

«Храм — гэта і бальніца, і школа!» У Магілёве сабралі сотні подпісаў супраць будаўніцтва царквы ў Пячэрскім лесапарку11

Авіялініі могуць увесці стаячыя месцы ўжо ў 2026 годзе2

больш чытаных навін
больш лайканых навін

Жонка агента-каханка Анжалікі Мельнікавай звязаная з арганізацыяй Руская мадэль эфектыўнага спакушэння21

Жонка агента-каханка Анжалікі Мельнікавай звязаная з арганізацыяй Руская мадэль эфектыўнага спакушэння

Галоўнае
Усе навіны →

Заўвага:

 

 

 

 

Закрыць Паведаміць