Расійская балістычная эксперыментальная ракета «Арэшнік», запушчаная па Украіне ў другой палове мінулага месяца, была вырабленая расійскімі кампаніямі, якія ўсё яшчэ грунтуюцца на сучасным заходнім вытворчым абсталяванні. Пра гэта гаворыцца ў аналізе выдання Financial Times.
Два вядучыя расійскія абаронныя інжынерныя інстытуты (Маскоўскі інстытут цеплатэхнікі і канцэрн «Созвездие»), названыя ўкраінскай разведкай распрацоўшчыкамі ракеты «Арэшнік», шукаюць работнікаў, знаёмых з металаапрацоўчымі сістэмамі нямецкіх і японскіх кампаній.
Гэта ілюструе, што вайсковая машына Крамля застаецца крытычна залежнай ад замежных тэхналогій, на якія распаўсюджваюцца заходнія санкцыі. Асабліва гэтая залежнасць адчувальная ў галіне камп'ютарнага лічбавага праграмнага кіравання — тэхналогіі, жыццёва важнай для вытворчасці «Арэшніка».
Маскоўскі інстытут цеплатэхнікі, адна з арганізацый, якая, паводле даных украінскай разведкі, была датычная да стварэння «Арэшніка», з'яўляецца вядучай установай па распрацоўцы расійскіх цвёрдапаліўных балістычных ракет. У аб'явах, размешчаных у 2024 годзе, кампанія адзначае, што «прытрымліваецца працы з сістэмамі Fanuc, Siemens, Haidenhein».
Fanuc — гэта японская сістэма, а дзве іншыя — нямецкія. Усе гэтыя тры заходнія кампаніі згадваюцца і ў аб'явах, размешчаных «Созвездием». У публікацыях змяшчаецца запыт на «веданне сістэм лічбавага праграмнага кіравання — Fanuc, Siemens, Haidenhain».
У 2024 годзе на буйной расійскай выставе восем кітайскіх кампаній прадставілі 12 мадэляў прылад з лічбавым праграмным кіраваннем. Паводле даных аналізу Рады эканамічнай бяспекі Украіны, 11 мадэляў былі абсталяваныя кантролерамі японскіх або нямецкіх кампаній.
Таму прыярытэтам для саюзнікаў Украіны мусіць быць спыненне паступлення ў Расію кантролераў і абсталявання з лічбавым праграмным кіраваннем.
Лукашэнка замахваецца на 10 «Арэшнікаў»
Украінскія эксперты разабраліся, з чаго зрабілі расійскі «Арэшнік»
«Людзі гінуць, а яму «цікава»… Д*****б». Украінскае кіраўніцтва пры каментаванні ініцыятыў Пуціна не падбірае слоў
Перад ударам «Арэшніка» па Дняпры кіраўніцтва Расіі эвакуявалася на Урал
«Арэшнік» для Беларусі. Куды Лукашэнка ўцягвае краіну
«Шугануць Берлін ды іншых еўрапейцаў». Пуцінскі «Арэшнік» можа быць толькі зрэжысіраваным шоу
Цяпер чытаюць
«Я больш не анархіст». Мікола Дзядок — пра турму, Бога і расчараванне ў ідэалогіях19
Каментары