Растоўскую вобласць атакавалі 30 дронаў і тры ракеты, пад удар трапіў нафтазавод
Паводле слоў в.а. губернатара Растоўскай вобласці Юрыя Слюсара, сістэмы СПА працавалі над гарадамі Батайск, Таганрог, Шахты, Каменск, Мілерава і Навашахцінск.
Слюсар сцвярджае, што большую частку паветраных цэляў збілі, але ў выніку атакі загарэўся Навашахцінскі нафтаперапрацоўчы завод.
Растоўскія тэлеграм-каналы ўначы публікавалі відэа з падпаленым заводам. Мясцовыя жыхары распавядалі пра вялікую колькасць выбухаў.
Да 06:45 па мясцовым часе пажар на НПЗ патушылі, напісаў Слюсар. Ён дадаў, што ёсць адзін пацярпелы праз падзенне абломкаў збітых дронаў. Чыноўнік не ўдакладніў, у якім менавіта населеным пункце пацярпеў чалавек.
Навашахцінскі НПЗ — найбуйнейшы нафтаперапрацоўчы завод на поўдні Расіі і адзіны ў Растоўскай вобласці. Ён можа перапрацаваць да 7,5 мільёнаў тон нафты ў год. НПЗ атакуюць не першы раз. У чэрвені завод прыпыняў працу пасля атакі дронаў.
Да гэтага завод атакавалі ў сакавіку 2024 года, у маі 2023 года і чэрвені 2022 года.
Каментары