Вядомы іранскі рэжысёр арыштаваны ў Тэгеране сіламі бяспекі. Джафар Панахі быў затрыманы вечарам у панядзелак ва ўласным доме падчас свята разам з жонкай, дачкой і 15 гасцямі.
Пра гэта паведамляецца на інтэрнет‑сайтах іранскай апазіцыі.
Прычыны арышту не прыводзяцца, але паказваецца, што пры арышце ў доме быў праведзены ператрус і сканфіскаваныя некаторыя рэчы.
Панахі вядомы не толькі сваімі фільмамі, але і палітычнай дзейнасцю. Ён адкрыта падтрымлівае апазіцыю на чале з Мірхасэйнам Мусаві, а восенню мінулага года ўжо быў арыштаваны за ўдзел у акцыі пратэсту.
Панахі — лаўрэат многіх міжнародных конкурсаў і прэстыжных прэмій. За фільм «Круг» ён атрымаў Залатога льва на Венецыянскім кінафестывалі 2000 года. У Іране большасць яго карцін не дазволена да паказу.
Цяпер чытаюць
Каментары