Бельгія стала першай краінай у свеце, якая прыраўняла работніц сэкс-індустрыі да звычайных працоўных
Гэты крок забяспечвае ім усе класічныя правы, уключаючы дазвол на афіцыйныя працоўныя дамовы, дэкрэтны адпачынак, медыцынскае страхаванне, пенсіі і адпачынак па хваробе.
Бельгія стала першай краінай у свеце, якая прыраўняла работніц сэкс-індустрыі да звычайных працоўных, піша «Бі-бі-сі».
Гэты крок забяспечвае ім усе класічныя правы, уключаючы дазвол на афіцыйныя працоўныя дамовы, дэкрэт, медыцынскае страхаванне, пенсіі і адпачынак па хваробе.
Закон таксама рэгулюе дзейнасць працадаўцаў, забараняючы працу асоб з крымінальным мінулым і патрабуючы захавання мер бяспекі. Правілы дазваляюць работнікам адмаўляцца ад любога кліента і палавога акту.
«Гэта радыкальна. Гэта найлепшы крок, які мы бачылі ў свеце для абароны сэкс-работнікаў», — сказала Эрын Кілбрайд, даследчыца арганізацыі Human Rights Watch.
Не ўсе ўспрынялі гэты крок пазітыўна: частка актывістаў лічыць, што легальная сэкс-індустрыя нармалізуе прафесію, якая ўсё роўна прыводзіць да гандлю людзьмі, эксплуатацыі і жорсткага абыходжання.
Бельгія дэкрыміналізавала працу ў сферы сэкс-паслуг у 2022 годзе.
Цяпер чытаюць
Што вядома пра былога палітвязня Сакалоўскага, які памёр у Берліне ў 47 гадоў1
Каментары