Куды зноў знік Пуцін? Выявілася, што яго апошнія сустрэчы — гэта насамрэч запісы месячнай даўніны
Пасля Валдайскага форуму ён ні разу рэальна не з'яўляўся на публіцы.
Уладзімір Пуцін апошні раз з’яўляўся на публіцы амаль два тыдні таму — сцвярджае аўтарытэтнае выданне The Moscow Times.
Практыка «пратэрмінаванай прысутнасці» Пуціна не новая, але цяпер яна набывае яшчэ больш кур'ёзны характар.
Так, напрыклад, Пуцін, калі верыць Крамлю, 12 лістапада абмяркоўваў бюджэт з кіраўніком «Адзінай Расіі» Уладзімірам Васільевым, хоць той бюджэт быў зацверджаны яшчэ ў кастрычніку.
А ў сустрэчы з лідарам «Новых людзей» Аляксеем Нячаевым 19 лістапада Пуцін, відаць, быў так заняты «віртуальнай» размовай, што не заўважыў, як Нечаеў у гэты ж дзень вандраваў па выставе ў Дзярждуме. Крэмль, здаецца, зусім забыўся на існаванне календара.
Не менш цікавая гісторыя здарылася з лідарам ЛДПР Леанідам Слуцкім. Ён, паводле версіі Крамля, размаўляў з Пуціным, адначасова знаходзячыся ў зале пасяджэнняў Дзярждумы. Хаця, ведаючы пра «звышнатуральныя» здольнасці нябожчыка Жырыноўскага, нельга выключаць, што ягоны верны пераемнік валодае здольнасцю быць у двух месцах адначасова.
У рэальнасці Пуцін — паводле The Moscow Times — апошні раз з’яўляўся на публіцы 7 лістапада, калі прамаўляў на Валдайскім форуме.
Каментары