Лукашэнка: Хто там у Расіі вякае на шматвектарнасць Беларусі і вызваленне палітвязняў?
Аляксандр Лукашэнка адказаў на крытыку тых, хто нібыта папракае Мінск у шматвектарнасці і звязвае нядаўняе памілаванне некалькіх дзясяткаў палітвязняў са спробай павярнуць на Захад. Пра гэта ён заявіў на сустрэчы з губернатарам Смаленскай вобласці Васілём Анохіным, піша БелТА.
«Хто б там у Расіі, я ўжо таксама кажу, не вякаў: «Вось, Лукашэнка, шматвектарнасць… Зноў ён адпусціў гэтых палітзняволеных некалькі дзясяткаў. Гэта значыць, ён ужо на Захад…» Слухайце, ну такое прымітыўнае мысленне, што далей няма куды. І мы гэта бачым і чуем», — адзначыў Лукашэнка. —
Так, у нас ёсць краіна. Наш галоўны замежнапалітычны пасыл і наша імкненне — з суседзямі трэба жыць у міры, яны ад бога. Ну і што зрабіць, калі палякі стагоддзямі жылі з намі, а тое, што кіраўніцтва Польшчы сёння займае такую падвальную пазіцыю адносна Беларусі. Хіба палякі ў гэтым вінаватыя? Ну, у нейкай ступені — так, яны ж іх выбіраюць. Але ў большасці сваёй палякі хочуць жыць міралюбна з намі».
«Тое ж самае літоўцы, латышы, украінцы. Ну калі такую палітыку праводзіць кіраўніцтва (гэтых краін)… Таму мы спакойна, мэтанакіравана спрабуем будаваць з імі адносіны. Але нашы інтарэсы — яны ёсць нашы інтарэсы», — падкрэсліў Лукашэнка.
Па яго словах, у тым жа ключы Беларусь будуе адносіны і з Расіяй: «Расія коса на нас не глядзіць. Ніякіх подласцей нам не робіць. Наадварот, падтрымлівае ў самыя цяжкія і складаныя часы. І мы адпаведна да гэтага падыходзім і ставімся».
Цяпер чытаюць
Новы пасол Украіны па пытаннях Беларусі: «Прызнаём Ціханоўскую лідарам. А ў Лукашэнкі няма манаполіі на голас народа»66
Каментары