Аказваецца, Беларусь не давала тэрыторыі для нападу на Украіну. Лукашэнка сцвярджае, што гэта было нешта іншае
У інтэрв'ю журналісту Бі-бі-сі Стывену Розэнбергу Лукашэнка сярод іншага даў арыгінальную трактоўку таго, што адбылося ў лютым 2022 года, калі расійскія войскі пад выглядам правядзення вайсковых вучэнняў спачатку сканцэнтраваліся на тэрыторыі Беларусі, а пасля здзейснілі з яе напад на Украіну. Аказваецца, гэта не падстава для таго, каб сцвярджаць, што Лукашэнка даў Расіі тэрыторыю для нападу.
«У нас былі вучэнні, на якіх было задзейнічана некалькі тысяч чалавек расійскіх войскаў. Гэтыя войскі былі ў асноўным з Усходняй акругі, і
Пуцін пачаў выводзіць гэтыя войскі з Беларусі. Яны былі на поўдні, і па гэтай дарозе, міма мяжы з Украінай, ён пачаў вывад войскаў. Частку войскаў у нейкі перыяд (справакавалі, я ў гэтым перакананы) ён павярнуў на Кіеў. Чаму так адбылося? Спытайце ў Зяленскага», — сказаў Лукашэнка.
На пытанне ж, чаму Беларусь у той момант не падтрымала Украіну, Лукашэнка адказаў:
«Расія — гэта наш саюзнік. У нас больш цесныя адносіны, чым у англічан і амерыканцаў. Украіна павяла сябе ў дачыненні да Беларусі варожа: яна раней, чым англасаксы, увяла супраць нас санкцыі».
Таксама ён паабяцаў падтрымліваць Расію столькі, колькі ёй будзе трэба, гэтак жа сама, маўляў, як і Захад гэта абяцае Украіне.
Інтарэсы ж беларускага народа, па ягоных словах, нібыта
«абсалютна супадаюць з расійскімі. Пакуль яны будуць супадаць, мы з Пуціным поплеч будзем дзейнічаць».
Лукашэнка расказаў, што прадстаўнікі Захаду прыязджалі да яго пагаварыць пра Емен і Кітай
Лукашэнка заявіў, што сям‘я можа бачыцца з Калеснікавай і што яна нічым не адрозніваецца ад «мільёна» іншых палітвязняў
Лукашэнка выбраў Расію месцам заявы, што пойдзе на выбары
Лукашэнка даў інтэрв'ю журналісту BBC Стывену Розэнбергу
Цяпер чытаюць
«Лукашэнка мне сказаў: «Хочаш — можаш адказаць нам, ударыць па Мазыры, па заводзе» — Зяленскі22
Каментары