Мяркуецца, што гэтыя сродкі будуць накіраваныя ўкраінскім уладам за кошт адсоткаў ад актываў Расіі, замарожаных у Еўрасаюзе, піша Бі-бі-сі.
«Бесперапынныя расійскія атакі азначаюць, што Украіне патрэбная пастаянная падтрымка ЕС. Еўракамісія дасць Украіне крэдыт у памеры да 35 млрд еўра ў рамках абавязацельстваў Вялікай сямёркі. Гэта чарговы вялікі ўклад ЕС у аднаўленне Украіны», — напісала фон дэр Ляен у сетцы Х.
У пятніцу кіраўнік Еўракамісіі знаходзіцца з візітам у сталіцы Украіны, дзе праводзіць перамовы з прэзідэнтам Уладзімірам Зяленскім.
У чэрвені краіны Вялікай сямёркі ўхвалілі механізм, паводле якога Украіна павінна атрымаць крэдыт 50 млрд даляраў: ён павінен выплачвацца з будучых адсоткаў з замарожаных расейскіх актываў.
Еўракамісія паведамляе, што гэтыя сродкі будуць выкарыстаныя для фінансавання ўкраінскага дзяржаўнага бюджэту, патрэбы якога значна выраслі праз расійскую агрэсію.
Краіны G7 — Канада, Францыя, Германія, Італія, Японія, Вялікабрытанія і ЗША — з'яўляюцца найважнейшымі фінансавымі і ваеннымі прыхільнікамі Украіны з моманту поўнамаштабнага ўварвання Расіі ў 2022 годзе.
Сума расійскіх актываў, замарожаных гэтымі дзяржавамі і Еўрапейскім Саюзам, складае 325 млрд даляраў.
Прадстаўнікі заходніх краін падкрэслівалі, што аб канфіскацыі расейскіх актываў гаворка не ідзе, а Украіна атрымае толькі адсоткі ад іх.
Па даных газеты Financial Times, першапачаткова планавалася, што доля кожнага з членаў «сямёркі» пры выдзяленні Украіне 50 млрд даляраў будзе адпавядаць іх эканамічнай моцы. Такім чынам ЗША і ЕС павінны былі накіраваць Кіеву па 20 млрд даляраў, а астатняе — Канада, Японія і Вялікабрытанія.
Цяпер чытаюць
Беларусаў па вяртанні дамоў на мяжы ўсё часцей раздзяваюць дагала6
Каментары