Затрымалі дырэктарку бара «Столе» ў Бярозаўцы. Яна шматдзетная маці
Як пішуць каналы сілавікоў, Дзіяну Бурштыка схапілі «за экстрэмізм». Разам з ёй затрымалі яшчэ некалькіх супрацоўнікаў.
Дзіяне Бурштыка (у дзявоцтве — Борыс) 32 гады. Родам яна з Бярозаўкі Лідскага раёна. Скончыла Гродзенскі дзяржаўны аграрны ўніверсітэт.
Дзіяна замужам і мае траіх дзяцей — двух сыноў і дачку. Сям'я жыве ў Бярозаўцы.
Разам з мужам чатыры гады таму яны адкрылі бар «Столе» ў роднай Бярозаўцы, дэ-факта першы сучасны гастрабар у гэтым горадзе. «Раней не было месца, дзе школьнікі маглі купіць бульбу фры або нагетсы, а моладзь — пабалаваць сябе сушы або роламі», — пісала пра іх мясцовая прэса. Праз два гады Бурштыкі адкрылі яшчэ адну ўстанову ў Лідзе.
Таксама Дзіяна займаецца макіяжам, найперш — вясельным.
Пра затрыманне жанчыны стала вядома з канала лідскіх прапагандыстаў, блізкіх да сілавікоў. Разам з ёй затрымалі некалькіх супрацоўнікаў «Столе». У чым іх вінавацяць — невядома.
«Наша Нiва» — бастыён беларушчыны
ПАДТРЫМАЦЬЦяпер чытаюць
З праекта будаўніцтва мінскага метро выкінулі яшчэ дзве станцыі — «Кіеўскі сквер» і «Політэхнічную»7
Каментары