Кабанчук расказаў, у якім выпадку можна будзе абмяркоўваць гарантыі бяспекі для Лукашэнкі
Прадстаўнік Аб'яднанага пераходнага кабінета па абароне Вадзім Кабанчук у інтэрв'ю «Белсату» расказаў пра стратэгіі вызвалення Беларусі.
Вадзім Кабанчук адрэагаваў на словы Лукашэнкі пра тое, што яму прапануюць ваяваць з Украінай супраць Расіі.
Кабанчук мяркуе, што Лукашэнка сёння больш баіцца Расіі, чым Захаду.
«Гэта сведчыць толькі, што на сённяшні дзень Лукашэнка баіцца Расіі больш, чым Захаду. Магчыма, сітуацыя зменіцца. Таму што, як гаворыцца, своечасова здрадзіць — значыць, прадбачыць. Лукашэнка, думаю, кіруецца такім прынцыпам і трымае руку на пульсе.
Усё правільна ён кажа. Калі ён хоча захаваць сваё жыццё, свой клан, яму давядзецца выходзіць з гэтай вайны або пераходзіць на бок кааліцыі, якая будзе створаная супраць Расіі», — мяркуе Кабанчук.
Прадстаўнік АПК мяркуе, што ў такім разе можна размаўляць пра пэўныя гарантыі для Лукашэнкі — калі гэта дапаможа пазбегнуць грамадзянскай вайны на тэрыторыі Беларусі.
«Пад гарантыі таго, што ў Беларусі не будзе грамадзянскай вайны, не будуць разбураныя гарады і тысячы ахвяр, можна было б разгледзець пытанні, скажам, па пэўных гарантыях для яго асобы. Але гэта маё асабістае меркаванне, гэта не меркаванне кабінета ці беларускіх добраахвотнікаў», — заявіў палітык.
Кабанчук адзначыў, што жыццё Лукашэнкі не вартае жыццяў тысяч беларусаў і разбураных гарадоў.
«У такім выпадку можна даць яму магчымасць паехаць у Кітай, Паўночную Карэю, Кубу, ці яшчэ куды-небудзь, дзе ён палічыць, што для яго будуць больш-менш прыдатныя ўмовы для жыцця», — мяркуе Кабанчук.
Пры гэтым стратэгія вызвалення Беларусі, на думку прадстаўніка кабінета, грунтуецца на адным базавым элеменце — аслабленні Расеі, каб яна не змагла аказваць рэжыму Лукашэнкі вайсковую падтрымку.
«Падзеі ў Курскай вобласці ўжо паказваюць, што Расея не гатовая належным чынам абараняць уласную тэрыторыю. З кожным тыднем моц расейскага войска памяншаецца — а значыць, для Беларусі ствараюцца ўмовы да вызвалення», — адзначае Кабанчук.
На яго думку, паўтарэнне Курскага сцэнарыя на тэрыторыі Беларусі малаверагодна. Аднак не выключаны ўкраінскі адказ на правакацыю з боку беларускага войска.
Кабанчук адзначае, што беларускія добраахвотнікі абмяркоўваюць сцэнары вызвалення Беларусі. Аднак ён хацеў бы, каб гэта адбылося мірным шляхам.
Кабанчук патлумачыў, чаму каліноўцы не заходзяць з рэйдамі ў Беларусь
Замест Сахашчыка ў Аб'яднаным пераходным кабінеце цяпер будзе Кабанчук
Каліновец Вадзім Кабанчук спыніў кантракт з Узброенымі сіламі Украіны
«Украінцы казалі ў 1990-я: будзе вайна з Масквой». Кабанчук расказаў, як беларусы праходзілі вышкал у лагеры Дзмітрыя Яраша на Галіччыне
«Мы знайшлі месца, дзе была закапана машына Красоўскага». Кабанчук згадаў, як расследаваў справу зніклых палітыкаў
Цяпер чытаюць
Ад сачэння за топ-менеджарамі да пікантных драм ХІХ стагоддзя. Як працуе дэтэктыўнае агенцтва «Рэкс» Аляксандра Азарава6
Ад сачэння за топ-менеджарамі да пікантных драм ХІХ стагоддзя. Як працуе дэтэктыўнае агенцтва «Рэкс» Аляксандра Азарава
Фядута рэзка адказаў Калеснікавай: За што вы змагаліся ў 2020 годзе, не цікавіць нікога, акрамя мядзведзяў з берлінскага заапарка, якія вас атачаюць4444
Каментары
Але рабіць тое ж самае ў датычэнні Лукашэнкі раней за момант пачатку круглага стала - наўрадці добрая ідэя. Бо зараз гэта прапанова дае сігнал Лукашэнку - ты эскалюй сітуацыю, распальвай варожасць, стварай стан небяспекі для дзяткаў тысяч беларусаў - гэта ўзмацніць тваю перамоўную пазіцыю і дадасць шансы зменьшыць альбо ўвогуле пазбегнуць адказнасці.
Трэба каб быў парадачак . " Сена ў стагу - кат ў гробу "