Спецыялісты сцвярджаюць, што змагацца з зялёным колерам вады не варта.
Фота: Onliner.by
Гэтым гарачым летам Заслаўскае вадасховішча пад Мінскам карыстаецца асаблівай папулярнасцю-пляжы на Мінскім моры запоўненыя. Аднак трохі псуе ўражанні ад адпачынку вада, якая афарбавалася ў зялёны колер. Плаваць у такім вадасховішчы не вельмі камфортна.
Заслаўскае вадасховішча цвіце практычна штогод. Падчас спякоты ў вадзе павялічваецца колькасць зялёных і сіне-зялёных водарасцяў, і летам яна набывае характэрны колер, піша Onliner.
Але ці небяспечна плаваць у такой вадзе? За яе якасцю сочыць Мінскі гарадскі цэнтр гігіены і эпідэміялогіі. 2 жніўня праз «перавышэнне індыкатарнага мікрабіялагічнага паказчыка бяспекі» купанне забаранілі на некаторых пляжах вадасховішча Дразды, на Цнянцы і на 5-м пляжы Мінскага мора.
7 жніўня абмежаванні знялі з усіх афіцыйных пляжаў горада, гэта значыць Мінскае мора бяспечнае для купання. Але вадаёмы па-ранейшаму выглядаюць не вельмі прывабна.
Але ці варта змагацца з зялёным колерам вады? Эксперты кажуць, што лепш пакінуць усё як ёсць. На думку старшыні грамадскага аб'яднання «Экалагічная ініцыятыва» Вольгі Волкавай, барацьба з зялёным колерам нанясе шкоду экасістэме: «Ёсць тэорыя, што пры высадцы падводных раслін колькасць фітапланктону паменшыцца, бо яны будуць канкураваць. Але для Мінскага мора такая стратэгія не падыходзіць. Чаму? Яна выкарыстоўваецца для невялікіх штучных вадаёмаў. Ёсць хімічныя рэчывы (альгіцыды і фунгіцыды), якія спыняюць рост багавіння. Яны выкарыстоўваюцца для ачысткі басейнаў».
Цяпер чытаюць
Мінчукі скардзяцца на атручванне пасля наведвання вядомага рэстарана. Працу ўстановы прыпынілі5
Каментары