Грамадства11

У Гомелі выставілі на продаж карабель-гатэль з усімі выгодамі

Гэты плывучы гатэль (па-навуковаму дэбаркадар) добра вядомы ўсім жыхарам Гомеля: атмасфернае судна прышвартаванае ў «акваторыі» санаторыя «Прыдняпроўскі». Два паверхі, некалькі дзясяткаў нумароў, адкрытыя палубы, неверагодная прырода вакол. Але цяпер гаспадар вырашыў яго прадаць, піша «Анлайнер».

Фота: Анлайнер

«Змяніліся жыццёвыя абставіны, таму вырашыў прадаць горача любімы мною дэбаркадар,— тлумачыць сваё рашэнне прадпрымальнік. — Зрэшты, са здзелкай не спяшаюся, таму аддаваць яго за бесцань не буду: калі не прадасца ў гэтым годзе, нічога страшнага — працягну свой бізнэс і паспрабую ў наступным. Балазе, усе працэсы адладжаныя і настроеныя».

Пры гэтым стары гаспадар гатовы інфармацыйна і тэхнічна падтрымаць новага ўласніка. А таксама аддаць яму ў дадатак усе сацсеткі: у інстаграме ў яго амаль 20 000 падпісчыкаў, ёсць і свой сайт.

«Тэрміновага рамонту судна не патрабуе, з ім усё ў парадку. Я перыядычна нешта падпраўляю, але гэта, хутчэй, з любові да мастацтва, чым дзеля вострай неабходнасці. Мне хочацца, каб усё было прыгожа, дыхтоўна, але ў той жа час каб захоўваўся гістарычны дух», — гаворыць гаспадар карабля.

Паводле яго, толькі за мінулы тыдзень на караблі адпачылі чалавек з 250 (гэта з улікам таго, што цяпер у працы толькі 20 нумароў на другім паверсе). На наступным — штодня будзе адпачываць 34-35 чалавек. Цяперашні сезон вельмі добры.

Пры жаданні дэбаркадар можна перапрафіляваць і пад нешта іншае, на 300 «квадратаў» можна ўвасабляць любыя ідэі. Камунікацыі на судне цэнтральныя, вада прыходзіць і сыходзіць праз санаторый, праблемы толькі з зімовым ацяпленнем. Але на гэты выпадак побач з караблём абсталяваны жылы домік-кантэйнер.

За свой карабель гамяльчук разлічвае атрымаць $190 000 па курсе.

Каментары1

  • Лоль!
    10.11.2024
    Получил за бесценок, подмазал белой краской и заломил 190 т. зелени? Так не бывает. Дебаркадер времен союза прогнил и проржавел. А эти кровати со временем моей пионерской молодости вызывают легкий шок. Вррррр! Удачи с поиском дурней

Цяпер чытаюць

Сусветная зорка Джэйсан Дэрула заехаў у Беларусь. Прэм’ер Турчын вадзіў яго па Доме ўрада6

Сусветная зорка Джэйсан Дэрула заехаў у Беларусь. Прэм’ер Турчын вадзіў яго па Доме ўрада

Усе навіны →
Усе навіны

Змерайце сваю талію і рост — гэтыя дзве лічбы шмат скажуць пра ваша здароўе

Урад вызначыўся з пераносам працоўных дзён у наступным годзе

Учора ў Мінску прапаў хлопчык, які не размаўляў

«Чаму ты адключыў рухавікі?» Папярэдні даклад аб катастрофе самалёта Air India выклікаў яшчэ больш спрэчак4

«Разам адкрывалі кантынент беларушчыны». Вінцук Вячорка згадаў пра Эдварда Зайкоўскага3

На Валыні разбіўся французскі знішчальнік Mirage4

Прэм'еру і спікеру Сейма Літвы прыпомнілі, што яны 17 гадоў таму ездзілі ў Беларусь6

Падчас урагану ў Магілёве вецер знёс сабачую будку разам з сабакам1

Памёр спявак Озі Осбарн14

больш чытаных навін
больш лайканых навін

Сусветная зорка Джэйсан Дэрула заехаў у Беларусь. Прэм’ер Турчын вадзіў яго па Доме ўрада6

Сусветная зорка Джэйсан Дэрула заехаў у Беларусь. Прэм’ер Турчын вадзіў яго па Доме ўрада

Галоўнае
Усе навіны →

Заўвага:

 

 

 

 

Закрыць Паведаміць