Вызначыліся патэнцыйныя супернікі мінскага «Дынама» ў 3-м раўндзе кваліфікацыі еўракубкаў. І гэта радуе
Сёння ў Ньёне адбываецца лёсаванне трэцяга раўнду кваліфікацыі еўракубкаў.
Пераможца двухматчавага супрацьстаяння «Дынама-Мінск» — «Лудагорац» у наступным раўндзе Лігі чэмпіёнаў сустрэнецца з пераможцам пары «Лінкольн» (Гібралтар) — «Карабах» (Азербайджан). Матчы запланаваныя на 6-7 і 13 жніўня.
Каманда, што прайграе, сустрэнецца з няўдачнікам пары «Лінкольн» — «Карабах». Матчы пройдуць 8 і 15 жніўня.
Так што ў беларускага клуба неблагія шанцы нарэшце трапіць у групавы раўнд еўракубкаў. Бо ў выпадку паразы ад «Лудагорца», калі ў трэцім раўндзе прайсці «Лінкальн», то еўракубкавая восень — група Лігі Еўропы ці Лігі канферэнцый — гарантаваная. У групавым раўндзе еўракубкаў беларусы не гулялі з 2018 года.
Вынас «Лудагорца» гарантуе як мінімум групу Лігі канферэнцый.
Першы матч «Дынама» — «Лудагорац» пройдзе ў гэту сераду ў Балгарыі. Гульня ў адказ — 31 ліпеня.
А 15-й пройдзе лёсаванне трэцяга раўнду Лігі канферэнцый, дзе патэнцыйных супернікаў дазнаецца пара «Нёман» (Гродна) — «ЧФР» (Клуж).
Нагадаем, што жодзінскае «Тарпеда-БелАЗ» і «Іслач» вылецелі ў першым раўндзе кваліфікацыі Лігі канферэнцый.
Цяпер чытаюць
Анжаліка Мельнікава тыдзень правяла на Шры-Ланцы і вылецела з дзецьмі ў Дубай8
Каментары