Культура11

Памёр мастак-графік Леанід Дзягілеў

Сябру Беларускага саюза мастакоў, Беларускага саюза дызайнераў і Міжнароднай асацыяцыі дызайнераў, дарадцу Беларускай акадэміі архітэктуры было 83 гады.

Леанід Дзягілеў нарадзіўся 15 верасня 1940 года ў Сасноўцы пад Віцебскам. Скончыў Віцебскае мастацка-графічнае педагагічнае вучылішча, яго настаўнікам стаў вядомы мастак Валянцін Дзежыц. 

Таксама скончыў Ленінградскае вышэйшае мастацка-прамысловае вучылішча імя Мухінай, а таксама Інстытут мастацтвазнаўства, этнаграфіі і фальклору Акадэміі навук Беларусі. З 1984 года працаваў у Беларускім тэатральна-мастацкім інстытуце, у розныя гады быў прарэктарам па навуковай рабоце, прафесарам кафедры, дацэнтам гэтай ВНУ.

Акрамя таго, узначальваў кафедру дызайну ў Інстытуце сучасных ведаў, дзе студэнты вучыліся адразу па двух напрамках: дызайн прадметна-прасторавага асяроддзя і дызайн віртуальнага асяроддзя. Вучнямі Леаніда Дзягілева з'яўляюцца многія вядучыя мастакі і дызайнеры Беларусі.

Не адзін год займаўся праектаваннем інтэр'ераў знакавых аб'ектаў Віцебшчыны. У прыватнасці, афармляў мемарыяльны музей Міная Шмырова, інтэр'ер кінатэатра «Беларусь», Дом культуры ў Расонах ды інш., пішуць Мінск-навіны.

За час сваёй дзейнасці Л.Дзягілеў спрабаваў сябе ў розных сферах. З'яўляўся паспяховым айчынным мастаком-графікам, педагогам Вышэйшай школы, мастацтвазнаўцам і экадызайнерам.

Акрамя таго, выступаў у якасці мастацтвазнаўцы і экспадызайнера. Апублікаваў шэраг артыкулаў па праблемах сінтэзу мастацтваў у архітэктуры, быў аўтарам навучальнага дапаможніка для ВНУ «Праектаванне інтэр'ераў індывідуальнага жылога дома».

Дзякуючы намаганням Леаніда Яўсеевіча ў Беларусі была пашырана сетка сярэдніх мастацкіх навучальных устаноў па кожным напрамку, створана Мінская гімназія-каледж мастацтваў на базе сярэдняй школы з мастацкім ухілам.

Працуючы дырэктарам дырэкцыі мастацкіх выстаў Міністэрства культуры Беларусі, ён арганізаваў больш за сотню перасоўных выстаў беларускіх мастакоў. На аснове фондаў жывапісных, скульптурных, графічных работ і твораў дэкаратыўна-прыкладнога мастацтва створаны Музей сучаснага выяўленчага мастацтва.

Адпяванне адбудзецца 2 ліпеня ў царкве вёскі Тарасава Мінскага раёна.

Каментары1

  • Патынцыйны нябожчык
    01.07.2024
    Цікава, а пра мяне напіша НН, калі сканаю ?

Цяпер чытаюць

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны15

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Усе навіны →
Усе навіны

У Мінску адкрылі новую дыспетчарскую станцыю замест знесенай савецкай. Але будынка там няма — толькі бытоўка і біятуалет1

У Беларусі за апошнія гады ліквідавалі 40 праваслаўных прыходаў5

Украінскія дроны не могуць дагнаць рэактыўныя «Шахеды». У SpaceX кажуць пра тэхнічны збой3

«А як ты выкупіў адразу акцэнт?» Рэпер Баста па голасе пазнаў музыканта з Чавусаў і расказаў пра сваё дзяцінства ў закрытым гарадку пад Дзятлавам8

Амаль 400‑метровы пуцеправод паміж Каменнай Горкай і Лебядзіным абяцаюць адкрыць да канца года2

На Канары за суткі прыбылі амаль паўтары тысячы мігрантаў5

Карупцыйны скандал у Венгрыі: міністр Орбана закапаў у лесе 17 мільёнаў еўра7

«Лукашэнка ведае, што задумвае Пуцін, і вельмі гэтага баіцца». Чалы пра пагрозу новай вайны43

Алесь Бяляцкі сустрэнецца з чытачамі ў Варшаве, Кракаве і Уроцлаве1

больш чытаных навін
больш лайканых навін

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны15

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Галоўнае
Усе навіны →

Заўвага:

 

 

 

 

Закрыць Паведаміць