У Мінску сілавікі затрымалі двух хлопцаў за ўдзел у акцыі 6 верасня 2020 года
Набліжаны да сілавікоў тэлеграм-канал апублікаваў відэа з затрыманымі за ўдзел у пратэстах хлопцамі.
На відэа абодва беларусы распавялі, што ўдзельнічалі ў акцыі пратэсту 6 верасня 2020 года.
Першы затрыманы распавёў, што знаходзіўся на праспекце Пераможцаў і стаяў на праезнай частцы, скандуючы лозунгі. Другі беларус адказаў, што быў падпісаны на тэлеграм-каналы Nexta Life і «Матолька, дапамажы». Убачыўшы заклікі ў «экстрэмісцкім» канале, выйшаў на акцыю пратэсту.
«Медыязона» знайшла падобных на затрыманых людзей у сацыяльных сетках. Яны падпісаны як Канстанцін Кавалеўскі і Арцемій Чоп.
У якім статусе знаходзяцца затрыманыя і па якім артыкуле іх абвінавачваюць — невядома.
Каментары