9-гадовая Валерыя жыла з маці ў цэнтры Дзёбельна ў Саксоніі. Гэта невялікі горад з 25 000 жыхароў. Дзяўчынка выйшла з дому раніцай 3 чэрвеня. Ёй трэба было прайсці толькі 450 метраў да аўтавакзала, адкуль адпраўляецца школьны аўтобус. Яна выдатна ведала гэты шлях і не магла заблудзіцца. У школе яна так і не зʼявілася.
Настаўнікі не забілі трывогу, калі дзяўчынка не прыйшла ў клас. Маці заўважыла знікненне дачкі і патэлефанавала ў паліцыю толькі каля 18:30.
Тата дзяўчынкі ваюе ва Украіне. Бацькі разведзеныя. «Я звяртаюся да тых, хто мае дачыненне да яе знікнення. Знайдзіце ў сабе мужнасць вярнуць нашае любімае дзіця нам, бацькам. Я вельмі спадзяюся, што хутка змагу патрымаць сваю дачку на руках», — запісаў ён відэа, звяртаючыся да меркаваных злачынцаў.
Дзяўчынку восем дзён шукалі сотні паліцэйскіх і дзясяткі валанцёраў. Яе цела было знойдзена ў аўторак днём 11 чэрвеня ў лесе прыкладна ў чатырох кіламетрах ад дома.
Спачатку не было ўпэўненасці, што гэта Валерыя. Але 12 чэрвеня паліцыя выступіла з заяваю, што дзяўчынка забітая.
«Гэта сумная ўпэўненасць. Валерыя стала ахвярай злачынства. Мы расследуем забойства», — сказала ў сераду начальнік паліцыі Карстэн Кэмпф.
Па словах начальніка паліцыі, мёртвае дзіця было выяўлена ў аўторак удалечыні ад лясных сцежак, у падлеску непраходнай мясцовасці.
«Нашы расследаванні ў цяперашні час засяроджаны на сацыяльным коле сямʼі», — сказала Інгрыд Бургхарт, прэс-сакратарка пракуратуры. Падазраваных і затрыманых пакуль няма.
Паводле следства і ўскрыцця, няма доказаў таму, што дзяўчынка стала ахвярай сэксуальнага злачынства, дадала Бургхарт.
Сцяна ў галаве. Чаму ўсходнія немцы галасуюць інакш?
У Полацку раскрылі забойства, здзейсненае ў 2001 годзе. Дапамог недакурак
У Мінску аўтамабіль на хуткасці збіў 15-гадовага падлетка, які перабягаў дарогу на чырвонае
«Хлопцаў затрымалі за дзіцячыя петарды». Навуковец пракаментаваў арышт юнакоў за выбухоўку
Каментары