Да падпалаў у польскіх гандлёвых цэнтрах датычны імаверны зяць беларускага дыпламата
Як выявіў Альянс расследавальнікаў, Сцяпан Касцючэнка, якога спецслужбы Польшчы падазраюць у датычнасці да падпалаў у гандлёвых цэнтрах (планаваўся яшчэ падпал лакафарбавага завода), з'яўляецца не толькі байцом ММА.
Альянс расследавальнікаў Беларусі высветліў, што Касцючэнка звязаны як з беларускімі нацысцкімі групоўкамі, так і з беларускім дыпламатам.
Мяркуючы па матэрыялах у адкрытых крыніцах, Сцяпан пад мянушкай «Паляк» з сярэдзіны 2000-х звязаны з ультраправымі групоўкамі нацысцкага кірунку з ліку блізкіх да каляфутбольнага руху. Аднак, нягледзячы на публікацыі ў адкрытым доступе, сілавыя органы гэтым не надта цікавіліся.
Па фота аўтамабіля, апублікаваным пасля затрымання, Альянсу расследавальнікаў Беларусі ўдалося высветліць, што аўтамабіль Рэно Сандэра з нумарным знакам 8678РЕ-7 належыць Сцяпану Касцючэнку.
Ягоная жонка Кацярына Сяргееўна Касцючэнка — у дзявоцтве Міхневіч — з'яўляецца дачкой былога генеральнага консула Беларусі ў Гданьску Сяргея Міхневіча.
З высокай ступенню верагоднасці вярбоўка Сцяпана Касцючэнкі адбылася яшчэ ў Беларусі праз кантакты, звязаныя з ужываннем наркотыкаў, выказвае меркаванне АРБ.
Сцяпан Касцючэнка датычны да нацысцкай групоўкі Combat-18 (татуіроўка на назе як пацверджанне), Blood&Honor, а таксама да расійскага батальёна «Эспаньёла» (сфармаваны з расійскіх футбольных фанатаў пад куратарствам ФСБ), сцвярджае АРБ.
Агенцтва ўнутранай бяспекі (ABW) Польшчы затрымала напярэдадні трох падазраваных у працы на расейскую разведку і здзяйсненні дыверсій. Сярод іх двое грамадзян Беларусі і адзін грамадзянін Польшчы. Гаворка ідзе пра падпальшчыкаў буйных аб'ектаў у Польшчы.
Наталля Калегава расказала пра дапамогу беларускім уцекачам, сваю сям’ю, стаўленне да Ціханоўскай. І патлумачыла, хто такія «бабры» і «зайцы»34
Каментары