У найбліжэйшыя дні Беларусь накрые пустынны пыл з Цэнтральнай Азіі
Увечары 28 мая Беларусь накрые пылам з прыкаспійскіх стэпаў. Яго прынясе моцны вецер з Казахстана, Узбекістана, Туркменістана і Расіі. Мацней за ўсё пустынны пыл накрые паўднёвыя і паўднёва-заходнія раёны краіны. Закранутыя будуць вышыні 500—1500 метраў, а пік «забруджвання» прыпадзе на ноч з 28 па 29 мая.
Падчас падобных інтэнсіўных выпадзенняў пустыннага пылу можа назірацца памутненне неба, нязначнае пагаршэнне бачнасці і выпадзенне слабых «гразевых» дажджоў.
Аднак сіноптыкі запэўніваюць, што моцна пыл не паўплывае на звыклы ход жыцця звычайных беларусаў. «Ну, можа, прыгожыя заходы і світанкі будуць», — жартуюць сіноптыкі з тэлеграм-канала nadvorie.
«Анлайнер» звярнуўся ў Белгідрамет, каб даведацца, як доўга працягнецца гэтая з'ява і наколькі яна будзе бачная.
«Так, сапраўды, антыцыклон прынясе з пустыняў Цэнтральнай Азіі больш запыленае паветра. Нешта падобнае мы ўжо маглі назіраць у пачатку красавіка, калі вятры прынеслі пыл з Сахары і пры ясным надвор'і было прыкметнае больш мутнае неба.
Наколькі гэта небяспечна для здароўя — гэта больш пытанне да эколагаў ужо. Але з добрых навін тое, што да сярэдзіны тыдня паветраныя плыні зменяцца і ўвесь пыл знясуць, — сказала начальніца службы метэапрагнозаў Таццяна Чатырка.
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»20
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары