Агароды ў небяспецы! Гэтай ноччу ў Беларусі зноў чакаюцца замаразкі
Сур'ёзна пахаладае на поўдні краіны.
У ноч на 16 мая на поўдні Беларусі чакаюцца замаразкі. Тэмпература паветра апусціцца да 2 градусаў марозу.
З гэтай нагоды Белгідрамет выпусціў асобнае папярэджанне. У цэлым у чацвер чакаецца воблачнае з праясненнямі надвор'е, пераважна без ападкаў, толькі раніцай па паўночным усходзе краіны пройдуць дажджы.
Тэмпература паветра ўначы складзе ад + 1°C па поўдні да +9°C па поўначы, у Брэсцкай і Гомельскай абласцях на глебе месцамі чакаюцца замаразкі 0..-2°С. Днём слупок тэрмометра падымецца да +15… + 20°С.
Сёлета май у Беларусі даволі халодны, першыя два тыдні месяца адзначыліся ў асобных рэгіёнах краіны некалькімі начамі з мінусавой тэмпературай.
Цяпер чытаюць
Што вядома пра віцебчука, якога вінавацяць у спробе падрыву самалёта ў Германіі15
Каментары