Беларусы дзеляцца ўловам на адмысловых форумах.
Грыбы вераломна падмялі пад сябе канец красавіка. Іх, вядома, чакалі, але не столькі. Уздымаюць галаву і летнія грыбы, якім у красавіку рабіць няма чаго. Карыстальнікі грыбнога форума Onliner паказваюць, што назбіралі.
Вось смаржкі ў Ракаве Валожынскага раёна.
Падобная сітуацыя і на Лагойшчыне.
А ў чаце «Грыбы Беларусі» падзяліліся гарой смаржкоў і страчкоў, якія назбіралі ў Смалявіцкім раёне.
Ядомыя смаржкі і смарчковая шапачка не толькі апанавалі лясы. Яны, назойлівыя як камары, лезуць на паверхню ў скверах, агародах, фруктовых садах, кідаюцца пад колы. Вось што настрыглі за паўгадзіны пад Віцебскам.
А гэта ўлоў у Пухавіцкім раёне.
Наступнае фота зроблена пад Жодзінам.
Падобныя паведамленні паступаюць з усіх абласцей.
Што з вясновых грыбоў можна есці, а што не варта?
Усе беларускія смаржкі, смарчковая шапачка, а таксама саркасціфа пунсовая ядомыя (пасля тэрмічнай апрацоўкі).
Са страчкамі складаней. Яны ў нас бываюць двух відаў. Страчок звычайны лічыцца атрутным.
Страчок гіганцкі, наадварот, ядомы пасля варкі. Ён святлейшы, больш шчыльны і важкі, чым страчок звычайны, менш «кучаравы».
Але незвычайней за ўсё тое, што з'явіліся паведамленні аб летніх грыбах, якія звычайна з'яўляюцца не раней за чэрвень. Грыбнікі знаходзяць падбярозавікі з маслятамі. Ёсць нават маленькі баравічок!
А пад Клічавам знайшлі казлякоў.
А вось баравікі з-пад Мазыра.
Чаму так адбываецца?
Раннія ўсходы і раней дзівілі грыбнікоў, але не настолькі ж… Па ўсёй бачнасці, грыбы зрэагавалі на нядаўнія тэмпературныя змены. А таксама на багацце вільгаці. Міколагі гавораць: такія анамаліі не азначаюць нічога і не кажуць пра тое, што летам грыбоў не будзе.
Цяпер чытаюць
У Мінску завяршылі будаўніцтва пяцізоркавага гатэля на месцы колішняга «Белэкспа»7
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары