З Мінска і Гомеля будуць хадзіць новыя аўтобусныя рэйсы на Рыгу
Латвійская кампанія Latlines запускае аўтобусныя рэйсы з Рыгі ў Мінск. Паездкі запланаваныя тройчы на тыдзень. Таксама аўтобус гэтай фірму будзе хадзіць у Гомель праз Віцебск і Магілёў. Першы рэйс з Рыгі ў Мінск запланаваны на 10 красавіка, піша Blizko.by.
Па дарозе аўтобус Рыга — Мінск будзе рабіць шэсць прамежкавых прыпынкаў: адзін у Латвіі і пяць у Беларусі. Гэта Даўгаўпілс, Верхнядзвінск, Браслаў, Шаркаўшчына, Глыбокае, Докшыцы і Бягомль.
Квіток з Рыгі да Мінска каштуе 56 еўра, з Даўгаўпілса — 50 еўра. У адваротны бок цэны такія ж.
З некаторых іншых гарадоў па маршруце аўтобуса квіток будзе каштаваць танней. Так, з Верхнядзвінска да Рыгі — 35 еўра, а з Верхнядзвінска да Даўгаўпілса — 30 еўра.
Таксама ў кампаніі запланаваныя аўтобусы з Рыгі ў Гомель праз Полацк, Віцебск і Магілёў: па чацвяргах і нядзелях (назад — па пятніцах і панядзелках). Першы рэйс адбудзецца ўжо ў нядзелю 7 красавіка.
Квіток ад Рыгі да Полацка абыдзецца ў 45 еўра, а да Гомеля — у 70 еўра.
Калінінград, Бялград, Дубай, Казахстан… Як беларусы едуць з Еўропы дадому праз трэція краіны
На папулярным літоўскім курорце шкадуюць, што да іх перасталі ездзіць беларусы
Гродзенскі перавозчык прыдумаў геніяльны ход, як хутка перасекчы мяжу аўтобусу. І зэканоміў суткі
Квіткоў на аўтобусы з Беларусі ў Літву не дакупіцца. Колькасць рэйсаў скарачаецца, цэны растуць
Міліцыя схавала галоўнае — магілёўскі маньяк-ліфцёр ужо сядзеў за згвалтаванне. Але яго не праверылі на датычнасць да забойстваў3
Каментары