Палітвязня Аляксандра Цялегу, які вярнуўся з Нарыльска, хочуць перавесці на турэмны рэжым
Учора, 3 красавіка, у Івацэвічах адбыўся суд па замене Аляксандру рэжыму ўтрымання, па выніках якога палітвязня могуць перавесці ў турму.
Справу разглядаў суддзя Сяргей Кухацкавалец, але вынік суда пакуль невядомы, піша «Вясна».
Аляксандр — доктар-неўролаг з Барысава. Ён працаваў у расійскім Нарыльску, а на радзіму прыехаў у красавіку 2021 года ў адпачынак.
3 мая 2021 года яго затрымалі за каментары ў інтэрнэце.
У судзе Ленінскага раёна Гродна 21 студзеня 2022 года Аляксандра асудзілі да чатырох гадоў калоніі. На судзе стала вядома, што адзін з пацярпелых па справе збіваў Цялегу пры затрыманні.
1 лістапада 2022 года над палітвязнем распачаўся новы працэс у судзе Пухавіцкага раёна зноў за каментары. У выніку суд прызначыў яму адзін год зняволення, але шляхам паглынання больш строгага пакарання менш строгім тэрмін пакінулі ранейшым.
***
Падтрымайце Аляксандра: ПК № 22. 225295, Брэсцкая вобласць, г. Івацэвічы, ст. Даманава, а/с 20, Аляксандр Анатольевіч Цялега
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі15
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары