Басіст «Дзецюкоў» паламаў дзве нагі, але ўсё магло скончыцца яшчэ горш
Андрэя Пятко, вядомага пад сцэнічнай мянушкай «Пітон», знайшлі непрытомным у лесе. Цяпер музыка збірае дапамогу.
Як расказалі «Нашай Ніве» у гурце, Андрэй на прагулцы ў лесе аступіўся і зрынуўся са стромкага адхону ў роў.
На яго, непрытомнага, натрапілі мясцовыя жыхары, якія выклікалі хуткую дапамогу. У бальніцы дыягнаставалі пералом абедзвюх ног. Музыка шпіталізаваны.
Пра здарэнне стала вядома з закліку «Дзецюкоў» дапамагчы ў аплаце лячэння і рэабілітацыі.
Як падтрымаць музыку, глядзіце тут.
Здарэнне з Андрэем адбылося за тыдзень да канцэрта гурта, прысвечанага Дню Волі. Яго выступленне не адмяняецца.
Лідар гурта Алесь Дзянісаў кажа, што ў калектыве траўмаваны не толькі Пятко, але і яшчэ адзін музыка. Напачатку года зламаў нагу гітарыст, які цяпер ходзіць на мыліцах.
«24 і 25 сакавіка мы будзем удзельнічаць у канцэрце. Басісту мы знойдзем замену, а гітарыст будзе іграць седзячы», — адзначае Дзянісаў.
***
Фольк-панк гурт «Дзецюкі» заснаваны ў 2012 годзе ў Гродне. У яго рэпертуары беларускамоўныя песні гісторыка-патрыятычнай тэматыкі. У 2014-ым партал Tuzin.FM назваў «Дзецюкоў» героямі года.
У 2021 годзе музыкі вымушана выехалі з Беларусі з-за пагрозы арышту і немагчымасці займацца творчасцю. У выгнанні гурт дае канцэрты і запісвае новыя песні.
«Дзецюкі» жывуць і працуюць у розных гарадах Польшчы. Андрэй Пятко асеў у Лодзі.
Музыкі зарабляюць на жыццё хто чым можа. Адзін з іх, Уладзіслаў Бернат, у Беластоку ўладкаваўся на смеццявоз. Алесь Дзянісаў зарабляе відэамантажом у адной з варшаўскіх фірмаў.
«Наша Нiва» — бастыён беларушчыны
ПАДТРЫМАЦЬГлядзіце таксама:
Былога гітарыста гурта Dzieciuki Андрэя Пудзіна арыштавалі на 15 сутак за «экстрэмізм»
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў7
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары