Basist «Dzieciukoŭ» pałamaŭ dźvie nahi, ale ŭsio mahło skončycca jašče horš
Andreja Piatko, viadomaha pad sceničnaj mianuškaj «Piton», znajšli nieprytomnym u lesie. Ciapier muzyka źbiraje dapamohu.
Jak raskazali «Našaj Nivie» u hurcie, Andrej na prahułcy ŭ lesie astupiŭsia i zrynuŭsia sa stromkaha adchonu ŭ roŭ.
Na jaho, nieprytomnaha, natrapili miascovyja žychary, jakija vyklikali chutkuju dapamohu. U balnicy dyjahnastavali pierałom abiedźviuch noh. Muzyka špitalizavany.
Pra zdareńnie stała viadoma z zakliku «Dzieciukoŭ» dapamahčy ŭ apłacie lačeńnia i reabilitacyi.
Jak padtrymać muzyku, hladzicie tut.
Zdareńnie z Andrejem adbyłosia za tydzień da kancerta hurta, pryśviečanaha Dniu Voli. Jaho vystupleńnie nie admianiajecca.
Lidar hurta Aleś Dzianisaŭ kaža, što ŭ kalektyvie traŭmavany nie tolki Piatko, ale i jašče adzin muzyka. Napačatku hoda złamaŭ nahu hitaryst, jaki ciapier chodzić na mylicach.
«24 i 25 sakavika my budziem udzielničać u kancercie. Basistu my znojdziem zamienu, a hitaryst budzie ihrać siedziačy», — adznačaje Dzianisaŭ.
***
Folk-pank hurt «Dzieciuki» zasnavany ŭ 2012 hodzie ŭ Hrodnie. U jaho repiertuary biełaruskamoŭnyja pieśni historyka-patryjatyčnaj tematyki. U 2014-ym partał Tuzin.FM nazvaŭ «Dzieciukoŭ» hierojami hoda.
U 2021 hodzie muzyki vymušana vyjechali ź Biełarusi z-za pahrozy aryštu i niemahčymaści zajmacca tvorčaściu. U vyhnańni hurt daje kancerty i zapisvaje novyja pieśni.
«Dzieciuki» žyvuć i pracujuć u roznych haradach Polščy. Andrej Piatko asieŭ u Łodzi.
Muzyki zarablajuć na žyćcio chto čym moža. Adzin ź ich, Uładzisłaŭ Biernat, u Biełastoku ŭładkavaŭsia na śmiećciavoz. Aleś Dzianisaŭ zarablaje videamantažom u adnoj z varšaŭskich firmaŭ.
«Naša Niva» — bastyjon biełaruščyny
PADTRYMAĆHladzicie taksama:
Byłoha hitarysta hurta Dzieciuki Andreja Pudzina aryštavali na 15 sutak za «ekstremizm»
Ciapier čytajuć
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary