МЗС РФ здзекліва пажартавала, што Ізраіль не можа вярнуць закладнікаў з сектара Газа — у адрозненне ад музыкаў «Бі-2»
Зараз на тэрыторыі эксклава знаходзяцца больш за 100 закладнікаў, захопленых баевікамі ў пачатку кастрычніка мінулага года.
МЗС Расіі ў афіцыйным тэлеграм-канале апублікавала каментар аб вызваленні і ад'ездзе групы «Бі-2» з Тайланда ў Ізраіль. Уся публікацыя тычыцца таго, што музыкі адмовіліся наогул узаемадзейнічаць з супрацоўнікамі пасольства і консульства Расіі, піша The Insider.
Заканчваецца паведамленне здзекам, што Ізраіль не можа вярнуць дадому закладнікаў, якія знаходзяцца ў сектары Газа: «з разуменнем ставімся да спробаў ізраільскіх дыпламатаў прадэманстраваць магчымасці па вызваленні, калі не закладнікаў, то музыкаў».
Цяпер на тэрыторыі эксклава знаходзяцца больш за 100 закладнікаў, захопленых баевікамі ў пачатку кастрычніка мінулага года. Пасля аднаўлення баявых дзеянняў ХАМАС у Ізраілі загінула 20 расіянаў, сем лічацца зніклымі без вестак (звесткі на канец кастрычніка 2023 года).
Тады расійскі пасол у Тэль-Авіве заявіў, што насамрэч загінулых расіянаў можа быць больш. Таксама некалькіх закладнікаў, якіх павезлі на тэрыторыю сектара Газа, Расіі ўдалося вызваліць — іх выдаў ХАМАС у якасці падзякі за падтрымку тэрарыстаў расійскімі ўладамі і асабіста Уладзімірам Пуціным.
«Бі-2» былі арыштаваныя ў Тайландзе 26 студзеня, і дзякуючы ўмяшанню некалькіх дыпмісій, у прыватнасці Ізраіля, змаглі выляцець з краіны ў Тэль-Авіў. Са слоў музыкаў і крыніц Bloomberg, пераслед быў «замоўлены» ўладамі Расіі.
Раней сітуацыю пракаментавала і ізраільскае МЗС. Міністэрства назвала гэта дыпламатычнай перамогай і працытавала выслоўе, з якім узнагароджваюць негабрэяў, якія ратавалі габрэяў ад нацыстаў у Халакост.
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»24
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары