Спорт

ФІФА назвала найлепшага футбаліста 2023 года. І гэта зноў Месі

У Лондане сёння прайшла цырымонія ўручэння ўзнагароды The Best Men's Player — найлепшаму гульцу 2023 года паводле версіі ФІФА.

Ліянель Месі. Фота: Tim Nwachukwu / Getty Images

Найлепшым футбалістам 2023 года прызнаны форвард «Інтэр Маямі» і капітан зборнай Аргенціны Ліянель Месі.

Аргенцінец атрымаў узнагароду чацвёрты раз у сваёй кар'еры (2009, 2019, 2022, 2023).

На ўзнагароду таксама прэтэндавалі француз Кіліян Мбапэ (ПСЖ) і нарвежскі форвард «МанСіці» Эрлінг Холанд. Яны сталі фіналістамі гэтай намінацыі.

У лік прэтэндэнтаў раней увайшлі 12 чалавек: Хуліян Альварэс («МанСіці»), Марсела Брозавіч («Інтэр Мілан»/«Аль-Наср»), Кевін Дэ Бруйнэ («МанСіці»); Ілкай Гюндаган («МанСіці»/«Барселона»), Эрлінг Холанд («МанСіці»), Родры («МанСіці»), Хвіча Кварацхелія («Напалі»), Кіліян Мбапэ (ПСЖ), Ліянэль Месі (ПСЖ/«Інтэр Маямі»); Віктар Асімхен («Напалі»), Дэклан Райс («Вест Хэм»/Арсенал»), Бернарду Сілва («МанСіці»).

Эдэрсан («МанСіці», зборная Бразіліі) названы найлепшым галкіперам 2023 года. 

Найлепшай галкіперкай у жанчын прызнаная Мэры Ірпс («МанЮнайтэд» і зборная Англіі).

Сімвалічная зборная 2023: Куртуа, Стоўнз, Уолкер, Дыяш, Бернарду Сілва, Белінгем, Дэ Бруйнэ, Холанд, Мбапэ, Месі, Вінісіус.

Сімвалічная зборная 2023 года ў жаночым футболе: Ірпс, Кармона, Бронз, Грынвуд, Уэлш, Русо, Джэймс, Тун, Бонмаці, Морган, Кер.

Найлепшы трэнер — Пеп Гвардыёла («МанСіці»).

Найлепшая трэнерка ў жанчын — Сарына Вігман (зборная Англіі).

Самым прыгожым голам 2023 года стаў удар Гільерма Мадругі з «Батафога» ў бразільскай серыі В. Футбаліст забіў ударам праз сябе з-за межаў штрафной.

Сённяшнюю цырымонію не варта блытаць з цырымоніяй «Залаты мяч», якая прайшла 31 кастрычніка 2023 года і дзе восьмы тытул таксама ўзяў Ліянель Месі.

Каментары

Цяпер чытаюць

«У нас ёсць план, як стаць наступнай Фінляндыяй Усходняй Еўропы». Сяргей Ціханоўскі выступіў у Еўрапарламенце

«У нас ёсць план, як стаць наступнай Фінляндыяй Усходняй Еўропы». Сяргей Ціханоўскі выступіў у Еўрапарламенце

Усе навіны →
Усе навіны

У Смаргонскім раёне «Аўдзі» ўшчэнт разбурыла гістарычны помнік7

На фронце забілі сына аднаго з самых няўдалых камандзіраў расійскай арміі2

Саліста гурта «Без Білета» дадалі ва ўкраінскую базу «Міратворац»14

У Мінтрансе расказалі, калі на дарогах Беларусі перастануць рабіць ямачны рамонт3

Былы міністр сельскай гаспадаркі збіраецца вырошчваць пшаніцу ў Лівіі

Беларусы змогуць набываць кнігі ўсляпую — на іх нават будзе зніжка1

Адно з забойстваў у Беларусі раскрылі амаль праз 50 гадоў3

Пад Барысавам прайшлі вучэнні — рыхтаваліся да вайны ФОТЫ2

Спартсменка з Баранавіч Марыя Жодзік стала найлепшай лёгкаатлеткай года Польшчы10

больш чытаных навін
больш лайканых навін

«У нас ёсць план, як стаць наступнай Фінляндыяй Усходняй Еўропы». Сяргей Ціханоўскі выступіў у Еўрапарламенце

«У нас ёсць план, як стаць наступнай Фінляндыяй Усходняй Еўропы». Сяргей Ціханоўскі выступіў у Еўрапарламенце

Галоўнае
Усе навіны →

Заўвага:

 

 

 

 

Закрыць Паведаміць