Жанчына адбыла свой тэрмін і вызвалілася.
Як паведамляюць гродзенскія праваабаронцы, Алену Ягорычаву з Гродна затрымалі разам з мужам яшчэ 30 верасня 2021 года. У лютым 2022 года ёй прысудзілі 2 гады і 6 месяцаў калоніі ва ўмовах агульнага рэжыму паводле артыкулаў 342 і 364 Крымінальнага кодэкса.
Нагодай для палітычнага пераследу стаў удзел у мірнай акцыі пратэсту каля гродзенскага прадпрыемства «Молочный мир» 6 верасня 2020 года. Ягорычаву звінавацілі таксама ў нібыта гвалце над амапаўцам.
Суддзя Віталь Лабоцкі прысудзіў мужу Ягорычавай Ігару Пазднякову 2,5 года «хіміі», а Алене — 2 гады калоніі.
Адметна, што бацька Алены Ягорычавай — Уладзімір Ягорычаў — апантаны сталініст і прыхільнік савецкіх рэпрэсій, адзін з самых адыёзных выкладчыкаў Гродзенскага купалаўскага ўніверсітэта. Ён член арганізацыі «Ленин и Отечество», член КПБ.
Брат беларускай каралевы прыгажосці трапіў у рэанімацыю ў Азербайджане2
Каментары