СААЗ заклікала аднавіць масачны рэжым з-за ўзрастання захворванняў на кавід
Генеральны дырэктар Сусветнай арганізацыі аховы здароўя Тэдрас Аданам Гебрэесус заклікаў працягваць насіць маскі і выконваць сацыяльную дыстанцыю з-за росту заражэння COVID-19 і іншымі інфекцыйнымі захворваннямі.
«Рэспіраторныя захворванні, выкліканыя COVID-19, грыпам і іншымі патагенамі, растуць у многіх краінах на працягу некалькіх тыдняў, і чакаецца, што яны працягнуцца пасля апошніх святаў».
«Працягвайце выкарыстоўваць маскі, рабіць вентыляцыю і трымаць дыстанцыю, каб паменшыць уздзеянне, і пераканайцеся, што вы і вашы блізкія зрабілі прышчэпку ад COVID-19 і грыпу».
Гебрэесус заклікаў улады краін даць доступ да надзейных тэстаў, метадаў лячэння і вакцын. Асабліва тым, хто знаходзіцца ў «зоне рызыкі».
У лютым будзе ўжо чатыры гады, як кавід дабраўся да Еўропы, з сярэдзіны сакавіка 2020 года краіны Еўропы стануць закрывацца на лакдаўн. У Беларусі пра першы выпадак стала вядома 28 лютага 2020 года.
Разам з тым варта адзначыць, што ў Беларусі з ліпеня 2022 года не агучваюцца лічбы па колькасці захворванняў. Але ёсць і добрыя навіны: у краіне зарэгістравана свая вакцына, а ў снежні ў Расіі прайшоў рэгістрацыю абноўлены «Спутнік лайт», якім прышчапляюць у Беларусі.
Цяпер чытаюць
Даведаліся, як справы ў Рыгора Кастусёва — ёсць добрыя навіны1
Каментары