Камандуючы Сухапутнымі войскамі Украіны пра сітуацыю на фронце: Расія павялічвае колькасць тэхнікі і перагрупоўвае войскі
Аляксандр Сырскі расказаў, што расейцы працягваюць інтэнсіўныя наступальныя дзеянні на Купянскім і Бахмуцкім кірунках і перагрупоўваюцца на Ліманскім.
«На Бахмуцкім кірунку працягваюцца напружаныя баі каля Багданаўкі, вораг спрабуе наступаць у бок Часавага Яра. Акрамя таго, праціўнік працягвае штодзённыя штурмы паблізу Сінькоўкі для стварэння плацдарму і наступнага наступу на горад Купянск», — напісаў Сырскі ў тэлеграме.
На Ліманскім кірунку расійскія войскі пасля панесеных страт праводзяць перагрупоўку і падрыхтоўку да вядзення наступаў. РФ на гэтым кірунку актыўна прымяняе авіяцыю, наносячы ўдары кіраванымі авіяцыйнымі бомбамі.
У цэлым праціўнік павялічыў выкарыстанне тэхнікі падчас наступаў для падтрымкі пяхоты. Для штурмаў актыўна прыцягваюцца падраздзяленні сфармаваныя з былых злачынцаў «Шторм Z» і «Шторм V». Са слоў Сырскага, акупанты прадаўжаюць перакідваць рэзервы з іншых кірункаў.
«Нашы воіны, нягледзячы на складаныя ўмовы, мужна трымаюць абарону і не даюць ворагу ісці наперад. У органах кіравання ўсіх узроўняў пастаянна праводзіцца работа па выпрацоўцы рашэнняў, накіраваных перш за ўсё на апярэджанне дзеянняў ворага, вядзенне эфектыўнай контрбатарэйнай барацьбы, знішчэнне рэзерваў акупантаў на шляхах іх вылучэння і захаванне жыцця нашых вайскоўцаў», — падкрэсліў камандуючы.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»29
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары