Падставай стала адкрыццё 1 лістапада чарговай крымінальнай справы ў дачыненні да вядомага праваабаронцы (артыкул 361-4 КК «іншае садзейнічанне экстрэмісцкай дзейнасці»).
«Якое дачыненне мой участак мае да «злачынства», у якім мяне падазраюць лукашысты? Я, вядома, накіраваў запыт у раённы Следчы камітэт, які вядзе супраць мяне справу, каб прыслалі на электронную пошту пастанову аб тым, што з’яўляецца падставай для арышту маёй зямлі. Ужо месяц прайшоў і адказу я не атрымаў. Яны маўчаць. Гэты арышт для мяне нічога не значыць. Я як карыстаўся сваёй зямлёй, так і буду карыстацца…», — пракаментаваў у размове з выданнем «Хартыя’97» сітуацыю Леанід Судаленка.
У каментары «Штодню» ён дадаў: «Я не ведаю, якое дачыненне можа мець зямля да таго, у чым мяне спрабуюць абвінаваціць? Складваецца ўражанне, што гэта банальная помста, з’ехаў, не замаўчаў, дык атрымай! А закон у краіне сёння сам па сабе. Зямля ў мяне ў пажыццёвым спадчынным валоданні!»
Леанід Судаленка — палітвязень, кіраўнік ліквідаванага ўладамі Гомельскага аддзялення Праваабарончага цэнтру «Вясна». Больш за 20 гадоў займаецца праваабарончай дзейнасцю, аўтар траціны з усіх скаргаў на Беларусь у Камітэце ААН па правах чалавека, лаўрэат ордэна «Свабода — роўнасць — братэрства» Французскай Рэспублікі. Праваабаронца дапамагаў пісаць скаргі затрыманым падчас акцый пратэсту, абараняў у судзе звольненых «за палітыку» рабочых. Пасля падзей 2020 года быў абвінавачаны ў парушэнні народнага арт. 342 КК «Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх», у выніку чаго яго пазбавілі волі на тры гады ва ўмовах калоніі агульнага рэжыму. У жніўні 2023, адразу па выхадзе з калоніі, быў вымушаны з’ехаць за мяжу.
Цяпер чытаюць
Беларускі чыноўнік загаварыў па-беларуску, чым вельмі здзівіў і парадаваў людзей16
Каментары