Падчас удару па кавярні ў Купянскім раёне Украіны загінулі сын і ўдава вайскоўца, памінкі па якім ладзілі
У выніку ўдару 51 чалавек загінуў, 6 шпіталізаваныя з раненнямі.
Падчас ракетнага ўдару па кавярні-краме ў в. Граза Купянскага раёна Харкаўскай вобласці Украіны загінулі ўдава і сын вайскоўца, памінкі якога ладзілі пасля перапахавання, паведамляе Інтэрфакс-Украіна.
Дагэтуль вайсковец быў пахаваны ў Дняпры, а сваякі хацелі перапахаваць яго ў вёсцы Граза, адкуль ён быў родам. Пахаванне ладзіла сям'я загінулага вайскоўца, а менавіта сын і жонка. Сын перапахаванага таксама быў вайскоўцам.
«Ён разам са сваёй жонкай і маці быў ў кавярні, і яны загінулі ў выніку трапляння ракеты», — сказаў прэс-сакратар абласной пракуратуры Змітро Чубенка.
Каля 13:25 5 кастрычніка быў нанесены ракетны ўдар, як мяркуецца, «Іскандэрам-М», па кавярні-краме. У выніку 51 чалавек загінуў, 6 шпіталізаваныя з раненнямі.
Па стане на вечар 5 кастрычніка ўдалося апазнаць 35 загінулых. Для вызначэння астатніх спатрэбіцца ДНК-экспертыза.
Паведамляецца, што ўдар быў нанесены прыцэльна, следчыя і аператыўнікі шукаюць наводчыкаў.
Цяпер чытаюць
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»11
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1212
Каментары