Жыхары Зямлі змогуць убачыць камету Нішымура няўзброеным вокам
Касмічны аб'ект максімальна наблізіцца да нашай планеты 12 верасня (аўторак).
Астраномы распавялі пра новую з'яву, якую змогуць назіраць жыхары Зямлі, піша Tochka.by.
Аказваецца, 12 верасня да Зямлі максімальна падыдзе камета Нішымура, якую адкрылі толькі ў пачатку жніўня.
Касмічны аб'ект наблізіцца да нашай планеты на адлегласць 125 мільёнаў кіламетраў, а ў начным небе яго можна будзе ўбачыць няўзброеным вокам.
Спецыялісты падкрэсліваюць, што лепш за ўсё глядзець на новую касмічную з'яву на досвітку (за гадзіну да світання) над усходняй часткай гарызонту. Адзначаецца, што камета Нішымура будзе бачная на большай частцы Еўразійскага кантынента.
Як знайшлі?
Камета была адкрытая японскімі даследчыкамі ў ноч на 12 жніўня ў сузор'і Блізняты.
Цэнтр малых планет прысвоіў ёй назву C/2023 P1, а пасля да яе дадалося Нішымура ў гонар навукоўца, які зрабіў гэта адкрыццё.
Адзначаецца, што 12 верасня будзе максімальнае збліжэнне каметы з Зямлёй, а вось ужо 17 верасня Нішымура пройдзе перыгелій — найбліжэйшы да Сонца пункт (33 млн км), а незадоўга да гэтага апынецца ў перыгеі — на мінімальнай адлегласці ад Зямлі.
Што за Дзмітрый Скіндзераў, які абвясціў вайну Ціханоўскай? Супрацоўніцтва з ГУБАЗіКам, даўгі ў Беларусі, даўгі ў Літве34
Каментары