«Заканчваецца і Куба, якая супрацьстаяла ЗША». Куба выявіла расійскую сетку вярбоўкі сваіх грамадзян для вайны з Украінай і абурылася
Куба афіцыйна заявіла аб рашучых дзеяннях па прадухіленні вярбоўкі яе грамадзян для ўдзелу ў ваенных аперацыях ва Украіне. Такую практыку яна разглядае як гандаль людзьмі. Калякрамлёўскі гісторык своеасабліва пракаментаваў гэта.
Куба разглядае наёмніцтва як гандаль людзьмі. Фота: Getty Images
Міністэрства замежных спраў Кубы распаўсюдзіла заяву, у якой адзначаецца, што Міністэрства ўнутраных справаў краіны выявіла і вядзе працу па нейтралізацыі і ліквідацыі сеткі гандлю людзьмі, якая дзейнічала з Расіі з мэтай прыцягнення ў расійскае войска для ўдзелу ў ваенных аперацыях ва Украіне грамадзян Кубы, якія пражываюць у Расіі, а таксама грамадзян на тэрыторыі самой Кубы.
Улады краіны заявілі, што ў адносінах да асобаў, якія маюць дачыненне да гэтай дзейнасці, узбуджаны крымінальныя справы.
«Ворагі Кубы распаўсюджваюць скажоную інфармацыю, каб ачарніць імідж краіны і паказаць яе саўдзельніцай гэтых дзеянняў, якіх мы рашуча не прымаем. Куба займае цвёрдую і дакладную гістарычную пазіцыю супраць наёмніцтва і адыгрывае актыўную ролю ў ААН, выступаючы супраць згаданай практыкі.
Куба не ўдзельнічае ў вайне ва Украіне. Яна дзейнічае і будзе дзейнічаць рашуча супраць тых, хто на тэрыторыі краіны ўдзельнічае ў любой форме гандлю людзьмі ў мэтах наёмніцтва або вярбоўкі», — гаворыцца ў заяве.
Гэтую заяву па-свойму пракаментаваў пракрамлёўскі гісторык Аляксандр Дзюкаў. Дзеянні ўладаў Кубы ён паспрабаваў выдаць за міфічную здраду ідэалаў:
«Судзячы з усяго, на нашых вачах заканчваецца і Куба, якая супрацьстаяла ЗША. МЗС Кубы называе вярбоўку добраахвотнікаў у СВА «гандлем людзьмі», МУС заводзіць крымінальныя справы. Мінулі тыя часы, калі кубінскія ваеннаслужачыя давалі дыхту ў Афрыцы».
Нагадваем, што прыкладна год назад у Гаване прайшла XXII штогадовая міжнародная нарада камуністычных і працоўных партый, якая асудзіла вайну і прыняла жорсткую антываенную рэзалюцыю, у якой «рашуча абвергла любую датычнасць палітыкі расійскага ўрада да антыфашысцкага руху». Рэзалюцыю адмовіліся падпісаць прадстаўнікі расійскіх КПРФ і РКПР і рэшткаў Камуністычнай партыі Украіны.
Показательно, но с нацистской Россией не хочет иметь дело коммунистическая Куба !
Скоро, с таким заявлением, выступит и коммунистический Китай, когда отымеет проблем в экономике из-за экономической поддержки нацистского режима путина и нацистской России.
Это в РФ и РБ "борются", с придуманным пропагандой и для нужд власти "нацизмом" в Украине и на Западе, нацистскими методами и давно став нацистами, а за пределами России и Беларуси всё, всем, давно понятно.
joker
06.09.2023
Прабачце за жарт на жахлівую тэму, але мне вось цікава: расея і пуцін вырашылі па спісе рабіць нешта дрэннае. Таму што ўжо быў фашызм, нацызм, антысемітызм, расізм, тэрарызм, ваенныя злачынства, гандаль зброяй, гвалт, катаванні, генацыд і так далей - зараз гандаль людзьмі. Пуцін вырашыў стаць Доктарам Злом нашага часу? Знешняе падабенства ўжо ёсць
Турбапатрыёт
06.09.2023
Чэ, пачытайце літаратуру. Чэ Гевара той яшчэ мярзотнік
Беларус стаў Героем Украіны. «Яго мужчынскі пачатак быў вельмі моцны»2
Каментары