Алігарха Каламойскага ў Кіеве арыштавалі, але могуць выпусціць пад заклад
Шаўчэнкаўскі райсуд Кіева абраў алігарху Ігару Каламойскому меру стрымання ў выглядзе ўтрымання пад вартай тэрмінам 60 дзён з магчымасцю ўнясення закладу ў памеры амаль 14 мільёнаў даляраў, паведамляе «Украінская праўда».
Хадайніцтва аб прымяненні да Каламойскага меры стрымання ў выглядзе ўтрымання пад вартай было задаволена часткова. Яму вызначана мера стрымання ў выглядзе ўтрымання пад вартай тэрмінам на 60 дзён — да 31 кастрычніка ўключна. Суддзя пастанавіў узяць яго пад варту ў зале суда.
У той жа час памер закладу вызначаны як 190 тысяч пражытачных мінімумаў для працаздольных асоб або 509 мільёнаў 960 тысяч грыўняў (каля 13 мільёнаў 800 тысяч даляраў).
Пасля абвяшчэння рашэння пракурор ад каментароў адмовіўся, Каламойскі таксама не сказаў ні слова.
Пазней абаронца Каламойскага Аляксандр Лысак у каментары «Украінскай праўдзе» заявіў, што адвакаты будуць падаваць апеляцыю на пастанову аб абранні меры стрымання.
«Мы цяпер не разглядаем пытанне аб унясенні закладу. Мы будзем чакаць поўнае рашэнне суда. І, вядома ж, будзем падаваць апеляцыю», — сказаў ён.
Раней 2 верасня Служба бяспекі Украіны, Бюро эканамічнай бяспекі і Офіс генпракурора Украіны ўручылі алігарху Ігару Каламойскаму падазрэнне па артыкулах 190 і 209 Крымінальнага кодэкса: махлярства і легалізацыя (адмыванне) маёмасці, атрыманай злачынным шляхам.
Шаўчэнкаўскі райсуд Кіева выбіраў Каламойскаму меру стрымання ў закрытым рэжыме на просьбу адваката алігарха. Аднак на абвяшчэнне рашэння журналістаў пусцілі.
Цяпер чытаюць
Васкрасенскі: Адкрываецца неба — і Алесь Бяляцкі адразу выходзіць29
Каментары
Зьявілісь сечін ротенберг кавальчік...і панеслась
Каму " Закон" а каму ні да закона
Пакуль Закон Права залежаць ад " палітычнай волі" нейкага " волевога персанажа" будзе як на усходзе ці у рБ ці " вечны...майдан"