Месі наняў сабе асабістага целаахоўніка. Той бегае ўздоўж поля падчас яго матчаў
Целаахоўніка для футбаліста абраў саўладальнік амерыканскага клуба Дэвід Бэкхэм.

Ліянель Месі. Фота Joshua A. Bickel / AP
Аргенцінскі форвард «Інтэра Маямі» Ліянэль Месі наняў сабе асабістага целаахоўніка, піша Championat.com са спасылкай на Daily Mail.
Целаахоўніка для футбаліста абраў саўладальнік амерыканскага клуба Дэвід Бэкхэм. Ім з'яўляецца былы спецназавец арміі ЗША Ясін Чуэка, які мае баявы досвед у Іраку і Афганістане і валодае баявымі адзінаборствамі. Таксама ён удзельнічаў у некалькіх баях ММА.
Асабісты целаахоўнік Месі бегае ўздоўж поля падчас матчаў «Інтэра Маямі», каб абараніць свайго кліента ад любых непажаданых кантактаў.
Месі перайшоў у «Інтэр Маямі» ў чэрвені пасля 18 сезонаў у «Барселоне» і двух сезонаў у ПСЖ.
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша
Каментары