У апошнія гады ў Мінску намецілася тэндэнцыя да паляпшэння экалагічнага становішча, расказаў «Мінск-Навінам» галоўны эколаг сталіцы Валянцін Шатраўка.
Ён расказаў, што ў Мінску назіраецца станоўчая тэндэнцыя наконт паляпшэння экалагічнага становішча. Адзін з індыкатараў гэтага станоўчага зруху — стан паветра. За 2022 год на 13,6% зменшыліся выкіды ў горадзе ў цэлым. Гэтаму спрыяла выкарыстанне новых тэхналогій, ачышчальных збудаванняў. Маніторынг вядзецца ў сталіцы ў 12-ці пунктах, у пяці з якіх кругласутачна, яго ажыццяўляе Белгідрамет. Стан паветра ў Мінску ацэньваецца як добры і вельмі добры, у асобныя дні — здавальняючы, сказаў В. Шатраўка.
Ён дадаў, што на зніжэнне якасці паветра ўплывае надвор'е, у большай ступені вецер, які ўздымае пыл. Узімку, калі выкарыстоўваюцца антыгалалёдныя рэагенты, утвараецца саляная завісь, якая шкодзіць насаджэнням.
Паводле даных галоўнага эколага Мінска, 80% выкідаў шкодных рэчываў у атмасфернае паветра сталіцы робяць мабільныя крыніцы, аўтамабілі.
Насуперак уяўленням, павышанае ўтрыманне забруджвальных рэчываў сустракаецца ва Уруччы. А ў Заводскім і Партызанскім раёнах, дзе шмат прадпрыемстваў, паказчыкі ў норме.
Каментары