U apošnija hady ŭ Minsku namieciłasia tendencyja da palapšeńnia ekałahičnaha stanovišča, raskazaŭ «Minsk-Navinam» hałoŭny ekołah stalicy Valancin Šatraŭka.
Jon raskazaŭ, što ŭ Minsku nazirajecca stanoŭčaja tendencyja nakont palapšeńnia ekałahičnaha stanovišča. Adzin ź indykataraŭ hetaha stanoŭčaha zruchu — stan pavietra. Za 2022 hod na 13,6% źmienšylisia vykidy ŭ horadzie ŭ cełym. Hetamu spryjała vykarystańnie novych technałohij, ačyščalnych zbudavańniaŭ. Manitorynh viadziecca ŭ stalicy ŭ 12-ci punktach, u piaci ź jakich kruhłasutačna, jaho ažyćciaŭlaje Biełhidramiet. Stan pavietra ŭ Minsku aceńvajecca jak dobry i vielmi dobry, u asobnyja dni — zdavalniajučy, skazaŭ V. Šatraŭka.
Jon dadaŭ, što na źnižeńnie jakaści pavietra ŭpłyvaje nadvorje, u bolšaj stupieni viecier, jaki ŭzdymaje pył. Uzimku, kali vykarystoŭvajucca antyhałalodnyja reahienty, utvarajecca salanaja zaviś, jakaja škodzić nasadžeńniam.
Pavodle danych hałoŭnaha ekołaha Minska, 80% vykidaŭ škodnych rečyvaŭ u atmaśfiernaje pavietra stalicy robiać mabilnyja krynicy, aŭtamabili.
Nasupierak ujaŭleńniam, pavyšanaje ŭtrymańnie zabrudžvalnych rečyvaŭ sustrakajecca va Uruččy. A ŭ Zavodskim i Partyzanskim rajonach, dzie šmat pradpryjemstvaŭ, pakazčyki ŭ normie.
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju6
Kamientary