Учора, 3 жніўня, Уладзімір Гундар упершыню патэлефанаваў з бабруйскай калоніі сваякам, паведаміла «Позірку» крыніца, якая пажадала застацца неназванай.
Уладзімір Гундар у судзе. Фота: БелТА
Паводле крыніцы, 63-гадовы Гундар не скардзіцца на ўмовы ўтрымання, яму хапае ежы, цяпер ён шмат знаходзіцца на вуліцы, піша і чытае там.
«Аднак ён распавёў сваякам, што ёсць двое крымінальных зняволеных, якія да яго прыдзіраюцца, пагражаюць збіць. Гэта Ермаловіч Яўген і Раманенка Віталь», — адзначыў знаёмы з сітуацыяй.
Прычыны пагроз пакуль невядомыя.
☝️ З 2021 года актывіст быў асуджаны тры разы, у тым ліку паводле «справы Аўтуховіча». Канчатковым пакараннем стала зняволенне на 20 гадоў.
Былы выкладчык Іняза перайшоў на беларускую ў эміграцыі. Ён разважае пра лёс універсітэта, беларусаў за мяжой і адрозненне нас ад палякаў4
Каментары