Брамнік Уладзімір Жураў у магілёўскім «Дняпры» больш не гуляе. Перад гэтым казалі, што ён запіў
Прэс-служба магілёўскага футбольнага клуба «Дняпро» паведаміла, што брамнік Уладзімір Жураў пакінуў яго шэрагі. Кантракт быў разарваны «па пагадненні бакоў».
Клуб падзякаваў футбалісту за праведзеную ў яго шэрагах працу, пажадаў поспеху ў далейшай кар'еры і нагадаў, што галкіпер пачынаючы з 2020 года прыняў удзел у 83 матчах за «Дняпро», 28 з якіх завяршыў з нулём у графе прапушчаных мячоў. Таксама ёсць на яго рахунку і дзве галявыя перадачы.
Пра прычыны, чаму з гульцом давялося развітацца, у прэс-рэлізе клуба не паведамляецца, але памочнік галоўнага трэнера «Дняпра» Сяргей Кузьмініч нядаўна гаварыў у інтэрв'ю, што ў Журава ёсць праблемы з алкаголем:
«Жураў, груба кажучы, запіў. І мне хочацца, каб ён панёс за гэта пакаранне. У нас меўся быць матч з «Макслайнам» на выездзе, а ён перастаў з'яўляцца на трэніроўках. Прапусціў праз гэта два дні трэніровак — пятніцу і суботу, уключаючы і перадгульнявыя заняткі — напярэдадні нашай нядзельнай сустрэчы. Натуральна, і на яе саму ён таксама не паехаў», — расказаў тады трэнер. І спрагназаваў, што неўзабаве брамнік з каманды будзе адлічаны.
Цяпер чытаюць
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1
Каментары
манда ?