Да старту чэмпіянату Еўропы па футболе — 2024 засталося крыху менш за год, а з афіцыйным талісманам турніру арганізатары ўжо амаль вызначыліся. Засталося дапамагчы выбраць яму імя.
Талісман аддае даніну павагі папулярнаму плюшаваму медзведзяняці, якое, як кажуць, з'явілася ў Нямеччыне ў пачатку XX стагоддзя. Яно спадзяецца натхніць 10 мільёнаў дзяцей па ўсёй Еўропе на актыўную дзейнасць.
Засталося выбраць аднаго з чатырох прэтэндэнтаў…
Albärt: маленькае медзведзяня з вялікімі ідэямі! Ідэальны сябар для кожнага футбольнага заўзятара!
Bärnardo: нямецкі мядзведзь, створаны для сусветнай сцэны! Гатовы да гульнявога дня!
Bärnheart: гарыць жаданнем і гатоўнасцю аб'яднаць сусветную футбольную супольнасць у самым сэрцы Еўропы!
Herzi von Bär: маленькае медзведзяня, у якога добрае сэрца і які жыве дзеля любові да гульні!
Талісман будзе прадстаўлены заўзятарам зборнай Нямеччыны гэтым вечарам на арэне «Шальке», дзе гаспадары фіналу сустрэнуцца ў таварыскім матчы з Калумбіяй.
«Як бацька, я ведаю, як важна стымуляваць уяўленне дзяцей», — тлумачыць экс-зорка зборнай Нямеччыны Філіп Лам — дырэктар Еўра-2024. «З запускам нашага талісмана турніру мы спадзяёмся стварыць вясёлага і сімпатычнага персанажа, які натхніць усіх атрымліваць задавальненне ад гульні ў футбол», — кажа футбаліст.
Нагадаем, што зборная Беларусі ў адборачным турніры трапіла ў адну групу са Швейцарыяй, Румыніяй, Ізраілем, Косавам і Андорай. Першыя тры матчы беларусы прайгралі (са Швейцарыяй — 0:5, з Румыніяй — 1:2, з Ізраілем — 1:2), а ўчора наша каманда выйграла ў Косава — 2:1).
Еўра-2024 пройдзе з 14 чэрвеня па 14 ліпеня 2024 года.
Пратасевіч зноў жэніцца — цяпер з таролагам Настассяй, якая працавала ў элітным медцэнтры «Мерсі»40
Каментары