Як цяпер выглядае дарога пад Смалявічамі, дзе ў ДТЗ загінулі 13 пасажыраў маршруткі ФОТА
Як выглядае сумна вядомая дарога Р69, дзе 20 лютага здарылася цяжкае ДТЗ з удзелам маршруткі і МАЗа, паглядзела выданне «Мінская праўда».
Як піша выданне ў тэлеграм-канале, да месца аварыі і некалькі сотняў метраў пасля дарога адрамантаваная, зроблены ямачны рамонт.
А далей «карціна сумная» — уся дарога ў ямінах.
Здымкі аўтары зрабілі за 21 км ад Смалявічаў, недалёка ад прыпыначнага пункта «Вызваленне». Яны пішуць, што на дарозе ўбачылі дарожных рабочых, якія рабілі нейкія замеры.
Аварыя з удзелам маршруткі і гружанага МАЗа здарылася 20 лютага паблізу Смалявічаў. У выніку лабавога сутыкнення загінулі 11 чалавек, яшчэ 9 у вельмі цяжкім стане былі шпіталізаваныя ў бальніцы. Пазней двое з іх памерлі. Сярод загінулых былі і дзеці.
Генпракурор Андрэй Швед, распавядаючы аб прычынах здарэння, сказаў журналістам, што «за ўсімі гэтымі трагічнымі абставінамі стаіць цэлы комплекс праблем». Напрыклад, ён назваў перагружанасць маршруткі, адсутнасць тэхагляду ў МАЗа. Але стан дарогі сярод прычын ДТЗ генпракурор не адзначыў.
Лукашэнка 24 красавіка даручыў прывесці ўсе дарогі краіны ў належны стан да канца года, «чаго б гэта ні каштавала».
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў32
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары