Справа разглядаецца ў Мінскім абласным судзе. Па справе праходзяць тры абвінавачваныя: Раман Пратасевіч, які прысутнічае ў судзе, а таксама Сцяпан Пуціла і Ян Рудзік — іх судзяць завочна.
Раней дзяржабвінаваўца Наталля Сакалова пачала зачытваць у судзе новае абвінавачанне фігурантам справы, нагадвае «Спутнік».
У мінулую пятніцу яна канкрэтызавала абвінавачанне заснавальніку тэлеграм-канала Сцяпану Пуцілу. Так, у эпізодах, якія тычацца арганізацыі беспарадкаў і дзеянняў, што груба парушаюць грамадскі парадак, ужо не ўказваецца, што Пуціла праводзіў навучанне і матэрыяльна забяспечваў людзей для ўдзелу ў такіх дзеяннях.
Затым у судзе быў абвешчаны перапынак.
У чацвер пракурор працягне зачытваць новае абвінавачанне двум іншым фігурантам — Раману Пратасевічу і Яну Рудзіку.
Перад пачаткам пасяджэння Пратасевіч паведаміў, што працэс працягваецца, абвінавачанне будзе зачытвацца далей.
«Пакуль нават не зусім зразумела, калі менавіта працэс скончыцца. Я спадзяюся, што да пачатку лета працэс падыдзе да завяршэння», — сказаў Пратасевіч.
Суд па гэтай справе пачаўся 16 лютага ў адкрытым фармаце. Было зачытана абвінавачанне Пратасевічу, прайшоў яго допыт у судзе, пачалі зачытваць матэрыялы справы і допыт сведак. Затым частку справы разглядалі за зачыненымі дзвярыма.
У сакавіку быў абвешчаны перапынак праз хваробу Пратасевіча, затым 20 сакавіка суд аднавіўся.
Усім абвінавачваным выстаўлена абвінавачанне па больш чым 10 артыкулах Крымінальнага кодэкса. Акрамя таго, Генпракуратурай Беларусі ў інтарэсах дзяржавы заяўлены пазоў на больш чым 30 мільёнаў рублёў.
Пратасевіч пракаментаваў магчымую экстрадыцыю ў Расію Сафіі Сапегі
Пратасевічу, Пуцілу і Рудзіку інкрымінуецца не менш за 1586 злачынстваў
«Я ўжо думаю, як там нам на гэтым сонцы пастаяць». Лукашэнка падзяліўся з Пуціным страхам перад заўтрашнім парадам21
«Я ўжо думаю, як там нам на гэтым сонцы пастаяць». Лукашэнка падзяліўся з Пуціным страхам перад заўтрашнім парадам
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення79
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове33
Каментары