Былы палітзняволены Дзмітрый Гопта разам з маці пакінуў Беларусь
Пра тое, што былы палітзняволены з ментальнымі асаблівасцямі Дзмітрый Гопта разам з маці Вольгай Гопта з'ехаў з Беларусі, паведаміў на сваёй старонцы ў фэйсбуку гомельскі актывіст Ілля Міронаў.
Дзмітрый Гопта і яго лёс сталі адным з найяскравейшых сімвалічных увасабленняў выключнай амаральнасці і бязлітаснасці створанага Аляксандрам Лукашэнкам рэжыму.
Гэты чалавек мае псіхічную хваробу, у яго разумовая адсталасць. У 2020 годзе яго, тады 21-гадовага, затрымалі падчас пратэстаў у родным Жлобіне і асудзілі, нягледзячы на праблемы хлопца са здароўем, да двух гадоў пазбаўлення волі. Па парадзе прызначанага дзяржаўнага адваката Гопта пацвердзіў, што кінуў каменем у бок міліцыі, праўладныя медэксперты далі заключэнне пра тое, што ён ведаў, што рабіў, суддзя Ірына Прадун прысудзіла без ніякіх зніжак на ментальныя асаблівасці два гады зняволення.
Пасля маці Дзмітрыя два гады змагалася за тое, каб сына вызвалілі датэрмінова. Ён звяртаўся з просьбай аб памілаванні на імя Лукашэнкі, пад петыцыяй з просьбай аб яго вызваленні падпісалася 7000 чалавек, былі спадзяванні на тое, што няшчасны хлопец трапіць пад амністыю.
Але ўсе намаганні і спадзяванні былі марнымі — Дзмітрый Гопта адсядзеў увесь тэрмін ад званка да званка і выйшаў на волю толькі 31 снежня 2022 года. Больш за тое — у верасні 2022-га яго ўключылі ў спіс МУС «асоб, якія маюць дачыненне да экстрэмісцкай дзейнасці», што азначала дадатковыя здзекі. Прытым, як сведчыла яго маці, да самага канца зняволення ён толкам так і не ўсвядоміў, за што яго караюць.
«Дзіма рыдаў, не мог спыніцца». Што кажа маці хлопца з разумовай адсталасцю, якому адмовілі ў памілаванні
«Дзіма заплакаў: «Мама, не хачу!» За беспарадкі ў калонію адправілі хлопца з разумовай адсталасцю
«Мама, мне вельмі сорамна, што я тут». Маці Дзмітрыя Гопты са Жлобіна сустрэлася з сынам у калоніі
Пасадзілі адваката Дзмітрыя Лаеўскага, які абараняў Бабарыку і Знака10
Пасадзілі адваката Дзмітрыя Лаеўскага, які абараняў Бабарыку і Знака
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5151
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам51
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі4646
Каментары