Лукашэнка апраўдваўся перад Нарышкіным за пашкоджанне каштоўнага расійскага самалёта
Аляксандр Лукашэнка сёння ў Мінску сустрэўся з кіраўніком Службы знешняй разведкі Расіі Сяргеем Нарышкіным.
Спачатку ён закрануў вайну ва Украіне, назваўшы яе спецыяльнай ваеннай аперацыяй, і традыцыйна заявіў пра знешнія пагрозы.
«У сувязі з рознымі падзеямі ў свеце, і не апошняя прычына тут і антытэрарыстычная СВА Расійскай Федэрацыі — аперацыя, якая прымусіла нас з усіх бакоў паглядзець на ўсе структуры сілавога блока. Як я часта кажу, не было б гэтага, дык трэба было б прыдумаць, каб нас дзесьці падшпіліць. Таму пачалі актыўна працаваць. Але пагрозы вельмі сур'ёзныя. Часам неймаверныя», — сказаў Лукашэнка.
Ён панаракаў, што спецслужбы не за ўсімі могуць угнацца «з улікам імклівага развіцця розных тэхнічных сродкаў».
«Мы не ад бога, і ўсё прадугледзець не можам, — нібы апраўдваўся ён за пашкоджаны расійскі самалёт, які стаяў у Мачулішчах.
— І ў нас, і ў вас з'яўляюцца рознага роду адмарозкі менавіта ўнутры грамадства, на якіх робяць стаўку замежныя тэрарысты [гэта хлуслівае сцвярджэнне, Украіна вядзе абарончую вайну — НН]. Іх інакш не назавеш. Гэта не разведка, не контрразведка, гэта проста нашы ворагі. Яны (апаненты і ворагі за мяжой) знаходзяць у нашым лагеры, як прынята казаць, адпаведных людзей, робяць на іх упор».
Лукашэнка заявіў, што за дыверсію ў Мачулішчах яны затрымалі «больш за 30 памагатых».
«Яны адкуль? Яны былыя і сапраўдныя сволачы, якія жывуць у нашым грамадстве (інакш іх, брыдоту гэтую, назваць не магу), якія дапамагаюць здзяйсняць супрацьпраўныя дзеянні. Тым больш тэракты на ўласнай зямлі, супраць сваіх жа суайчыннікаў» [гэта хлуслівае сцвярджэнне, у Мачулішчах быў атакаваны расійскі самалёт, з якога ажыццяўлялася навядзенне ракетных удараў па Украіне, ніхто з людзей не пацярпеў — НН].
КДБ прыгразіў фігурантам крымінальнай справы па дыверсіі ў Мачулішчах смяротным пакараннем
Стала вядома пра мужа і жонку, затрыманых па справе дыверсіі ў Мачулішчах
«Аддадзена каманда на зачысткі». Карпянкоў расказаў, як сілавікі рыхтуюцца змагацца з апазіцыяй
-
У мінскія крамы завезлі экзатычныя плады з Калумбіі
-
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі
-
Як цяпер выглядае старадаўні касцёл, на выратаванне якога дзяржава збірае ахвяраванні ФОТЫ
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары