Дзяржаўныя СМІ Паўночнай Карэі сфатаграфавалі 10-гадовую дачку лідара Паўночнай Карэі Кім Чжу Э, калі яна прысутнічала на чарговым запуску ракеты са сваім бацькам Кім Чэн Ынам на мінулым тыдні, паведамляе The Washington Post.
Гэта быў «Хвасон-17», здольны дасягаць ЗША. Як раней заяўляў Пхеньян, ракета павінна прадэманстраваць «жорсткую пазіцыю ў адказ» на вайсковыя вучэнні ЗША і Паўднёвай Карэі, якія працягваюцца.
У Пхеньяне ўсё яшчэ холадна, таму Кім Чжу Э апранула чорную цёплую куртку. Паўднёвакарэйскі канал TV Chosun, заўважыўшы характэрныя ромбы на ёй, паведаміў, што яна выглядае сапраўды ідэнтычна той, што прадаецца французскім люксавым брэндам Christian Dior. Гэта куртка з апошняй калекцыі і разлічаная на дзяцей 10—12 гадоў. Цана — 2800 даляраў.
Як гаворыцца ў апісанні мадэлі, гэты пухавік ушаноўвае спадчыну Дома са знакавым матывам Cannage. Гэта асаблівая вышыўка, якая складаецца з геаметрычнага малюнка з квадратаў і дыяганаляў. Падобны малюнак з'яўляецца на многіх вырабах Dior, асабліва часта на сумках. Узор быў навеяны крэслам Напалеона III.
Пухавік выраблены з чорнага воданепранікальнага аксаміту, напоўнены пухам і пер'ем.
Да мінулага лістапада ўлады КНДР не пацвярджалі наяўнасць у лідара краіны дзяцей. Паводле звестак паўднёвакарэйскай разведкі, у іх з жонкай Лі Соль Чжу дзве дачкі і сын — 2010, 2013 і 2017 гадоў нараджэння. Кім Чжу Э — дзесяць гадоў. Апошнім часам Кім Чэн Ын часта з'яўляецца з дачкой на публічных мерапрыемствах.
Цяпер чытаюць
Анжаліку Мельнікаву бачылі ў Мінску ў «Дана Моле»27
Каментары