Жонка Алеся Бяляцкага ў інтэрв'ю Deutsche Welle расказала апошнія навіны ад праваабаронцы з-за кратаў і лёс грашовай прэміі.
Наталля Пінчук, жонка Бяляцкага, прысутнічала ў Осла на ўручэнні Нобелеўскай прэміі міру. Яна сімвалічна прыняла медаль і дыплом, яны пакуль захоўваюцца ў знаёмых.
«Што тычыцца грашовай часткі, то яна не прынята. Яе прыняць можа толькі Алесь, калі выйдзе з-за кратаў. Прэмія будзе чакаць, калі ён апынецца на волі», — патлумачыла Наталля. Прэмія складае каля 330 тысяч еўра для кожнага з трох яе сёлетніх атрымальнікаў (з Бяляцкім яе раздзялілі прадстаўнікі праваабарончых арганізацый «Мемарыял» з Расіі і «Цэнтр грамадзянскіх свабод» з Украіны).
Жонка Алеся Бяляцкага расказала, што непасрэднага кантакту з іншымі лаўрэатамі ў яе няма, але падтрымка Алеся адчуваецца, асабліва ўкраінскім бокам.
«Тое, што Беларусь лічаць краінай-суагрэсарам, пагаршае становішча беларусаў, хоць у гэтай сітуацыі беларусы як народ — без віны вінаватыя. У большасці сваёй яны падтрымліваюць украінцаў, гэта трэба памятаць. Беларусы — не рускія, не маюць імперскіх амбіцый, ім не патрэбна вайна. Трэба аддзяляць пазіцыю ўлад і тое, за каго народ. 24 лютага ў Мінску вывесілі ўкраінскі сцяг. Па цяперашніх законах людзі рызыкавалі жыццём, каб паказаць падтрымку Украіне», — выказалася яна.
Не ўсе лісты Наталлі даходзяць да мужа, а яго — да яе.
«Адвакаты маўчаць, таму што могуць пазбавіцца ліцэнзіі або сесці ў турму. Адзін з адвакатаў Алеся ўжо атрымаў вялікі тэрмін, іншага пазбавілі ліцэнзіі», — дадала яна.
Цяпер чытаюць
Лосік расказаў, як Бабарыку катавалі ў наваполацкай калоніі16
Лосік расказаў, як Бабарыку катавалі ў наваполацкай калоніі
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1010
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х10
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю44
Каментары