Вайна1212

«Падзе Крым». Прыгожын дапускае, што абвал фронту можа пачацца пад Бахмутам 

Кіраўнік прыватнай вайсковай кампаніі «Вагнер» Яўген Прыгожын прадракае, што прарыў фронту ўкраінскай арміяй можа здарыцца ў найбліжэйшыя месяцы. Вагнераўцы сутыкаюцца са «снарадным голадам», кажа Прыгожын.

Яўген Прыгожын. Скрын відэа

Яўген Прыгожын у інтэрв'ю расійскаму шавіністычнаму тэлеграм-каналу Regnum назваў сваю групоўку апораю расійскіх войскаў у Луганскай вобласці.

Па словах Прыгожына, калі расійскаму войску было цяжка, яму ўдалося пераканаць Пуціна ў неабходнасці ўдзелу вагнераўцаў у вайне ва Украіне. Яны сталі «на Бахмуце пераломваць і канцэнтраваць на сабе ўкраінскую армію».

Прыгожын прызнае: калі ўкраінскае войска прарвецца, то вагнераўцы застануцца ў гісторыі як «людзі, якія зрабілі асноўны крок у пройгрышы ў вайне».

Па яго словах, цяпер вагнераўцы сутыкаюцца са «снарадным голадам» і завуалявана, словамі сваіх байцоў даводзіць, што тое робіцца наўмысна.

«А ці не могуць гэту гісторыю разыгрываць дзесьці ў глыбінях Міністэрства абароны, а можа і вышэй, каб патлумачыць усяму расійскаму народу, чаму адбыліся ў нас такія непрыемнасці. А раптам яны хочуць падставіць нас і сказаць, што мы нягоднікі, і таму нам не даюць боепрыпасы, узбраенне і не даюць папаўняцца асабовым складам, у тым ліку заняволенымі», — даводзіць Прыгожын.

Ён дадае: калі адбудзецца прарыў фронту, то ў гісторыі застанецца фармулёўка аб тым, што група наёмнікаў не дамовілася з кіраўніцтвам дзяржавы, Міністэрствам абароны, Мінфінам і рэзка адскочыла ад Бахмута.

«Напружаная ўкраінская армія злева, справа па флангах і ў цэнтры ўварвалася на тэрыторыю «ЛНР», змяла Луганск, Краснадон, выйшла на тэрыторыю Расіі. Армія вымушана была спрабаваць стабілізаваць фронт, і пасыпаліся флангі. Далей падзе Крым, і будзе шмат іншых непрыемнасцяў», — прагназуе Прыгожын.

Прыватная вайсковая кампанія «Вагнер» створана ў 2013 годзе набліжаным да Пуціна былым крымінальнікам з Пецярбурга Яўгенам Прыгожыным для ўдзелу ва ўзброеных канфліктах без прыцягнення рэгулярных войскаў. Яе камплектуюць расійскімі і замежнымі наймітамі, асуджанымі крымінальнікамі.

Яна ўдзельнічае ў баявых дзеяннях на ўсходзе Украіны з 2014 года. Вагнераўцы ваявалі ў Сірыі на баку саюзніка Расіі рэжыму Асада, у Судане, Лівіі, Цэнтральнаафрыканскай Рэспубліцы і Малі. Іх падазраюць у шматлікіх ваенных злачынствах, злачынствах супраць чалавечнасці.

У 2023 годзе Міністэрства фінансаў ЗША прызнала гэтую структуру транснацыянальнай злачыннай арганізацыяй, а Вярхоўная Рада Украіны — міжнароднай злачыннай арганізацыяй.

«Наша Нiва» — бастыён беларушчыны

ПАДТРЫМАЦЬ

Крыніцы: На беларускіх палігонах трэніруюць таксама расійскіх зняволеных для «Вагнера»

Групоўка Вагнера страціла ва Украіне больш за 30 тысяч чалавек забітымі і параненымі — CNN

Прыгожын збіраецца «вызваляць Данбас» яшчэ паўтара-два гады

Каментары12

  • Фэйс п.
    05.03.2023
    Дык ён разглядае гепатэтычнасць сiтуацыi. Тыя хто ý арыгiнале вiдэа не быцыý напэýна не зразумеюць. За кошт вырванага з кантэксту сэнс можна круцiць каму як падабаецца.
  • Змагар
    05.03.2023
    Вось вам і Кіеў за 3 дні😂
  • Anatol Starkou
    05.03.2023
    [Рэд. выдалена]

Цяпер чытаюць

Трывожны званочак — патрэба выпіць зранку. Нарколаг расказаў, як зразумець, што вы алкаголік3

Трывожны званочак — патрэба выпіць зранку. Нарколаг расказаў, як зразумець, што вы алкаголік

Усе навіны →
Усе навіны

«Я вельмі злы з-за гэтага. Перадай Славакіі». Трамп адказаў Орбану на ягоную скаргу на ўкраінцаў6

З разліковых рахункаў беларусаў будзе цяжэй спісаць грошы без згоды ўладальніка

Тыктокер набраў паўмільёна праглядаў, запосціўшы лухту пра беларускі цукар4

Развітанне з Яраславам Еўдакімавым адбудзецца ў Мінску

«Усё, прыплылі». Беларусы сутыкнуліся з масавымі праблемамі ў выкарыстанні PayPal1

«Некаторым людзям варта зняць ружовыя акуляры». Лявончык — пра Мельнікаву, уцечку ў «Байхэлп», белыя паліто і грошы на 1300 палітвязняў18

Выключэнне Dana Holdings з санкцыйнага спісу ЗША не звязанае з «мірнымі перамовамі»

Прызналі «экстрэмісцкімі» сайт і сацсеткі Еўрапейскага гуманітарнага ўніверсітэта12

У Польшчы пачалі дэпартаваць затрыманых на канцэрце Макса Каржа11

больш чытаных навін
больш лайканых навін

Трывожны званочак — патрэба выпіць зранку. Нарколаг расказаў, як зразумець, што вы алкаголік3

Трывожны званочак — патрэба выпіць зранку. Нарколаг расказаў, як зразумець, што вы алкаголік

Галоўнае
Усе навіны →

Заўвага:

 

 

 

 

Закрыць Паведаміць