Двое расійскіх грамадзян прыплылі ў аўторак на астраўную тэрыторыю Аляскі на борце невялікай лодкі і папрасілі прытулку ў Злучаных Штатах. Гэтую інфармацыю пацвердзілі ў чацвер некалькі крыніц у адміністрацыі гэтага арктычнага амерыканскага штата, які знаходзіцца ў непасрэднай блізкасці ад расійскай мяжы, піша Deutsche Welle.
«Двое расійскіх грамадзян прычалілі да пляжу недалёка ад Гэмбела, пасёлка на амерыканскім востраве Святога Лаўрэнція, размешчанага ў Берынгавым моры, прыкладна за 65 кіламетраў ад расійскага ўзбярэжжа», — гаворыцца ў сумеснай заяве сенатараў штата Аляска Лізы Муркоўскі і Дэна Салівана. Гэтыя расіяне «падалі прашэнне аб наданні прытулку ў Злучаных Штатах».
«Невялікае судна з двума грамадзянамі Расіі прыбыло да берагоў Аляскі ў аўторак», — пацвердзіў прадстаўнік Міністэрства ўнутранай бяспекі ў інтэрв'ю агенцтву AFP. Справа разглядаецца «ў адпаведнасці з амерыканскім іміграцыйным заканадаўствам», дадаў прадстаўнік ведамства.
Сенатар-рэспубліканец Дэн Саліван заклікаў федэральныя ўлады «падрыхтаваць план разам з берагавой аховай на выпадак, калі яшчэ больш расіян прыбудуць у раён Берынгава праліва на Алясцы». На думку ягонай калегі Лізы Муркоўскі, «гэтая сітуацыя падкрэслівае неабходнасць узмацнення бяспекі ў амерыканскай Арктыцы».
Губернатар штата Майк Данліві, аднак, не падзяляе іх заклапочанасці. «Два чалавекі, якія прыбылі з Расіі на лодцы і былі затрыманыя ў Гэмбеле, наколькі я разумею, зараз знаходзяцца ў Анкорыджы (адміністрацыйны цэнтр Аляскі. — Рэд.), і імі займаюцца федэральныя ўлады. Мы не чакаем пастаяннай плыні або флатылій людзей. Няма ніякіх прыкмет таго, што гэта адбудзецца, так што гэта можа быць адзінкавым выпадкам», — сказаў ён.
Чытайце таксама:
Якія расійскія рэгіёны аддалі больш за ўсё мужчын на вайну і што Пуціну дасць мабілізацыя?
«Нас проверяют, местные мы или нет. Просят сказать «чучинщина». Што пішуць у чатах расіян, якія хаваюцца ў Беларусі?
Не чакайце хуткіх эфектаў, але эфектаў чакайце… Пакаленне Х і пуцінская мабілізацыя
«Не-не, я на гэта не падпісваўся і не пайду». Расіяне беларускага паходжання ў шоку і жаху, шукаюць выйсця
-
Эстонія цалкам закрывае мяжу з Расіяй з 1 снежня. Прычынай стала спроба ГРУ ўзарваць і спаліць завод па вытворчасці дронаў пад Талінам
-
Пяць краін Еўрасаюза адкрываюць у Руандзе першы афрыканскі лагер для дэпартаваных мігрантаў. Раней Брытанія страціла на падобнай схеме амаль мільярд даляраў, выслаўшы чатырох чалавек
-
На Канары за суткі прыбылі амаль паўтары тысячы мігрантаў
Цяпер чытаюць
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал8
Каментары